ಹೋ ಚಿಮಿನ್ ಸಿಟಿ: ವಿಯೆಟ್ನಾಮ್ ಓಪನ್ ಪಂದ್ಯಾವಳಿಯಲ್ಲಿ ಇಂದು ನಡೆದ ಅಂತಿಮ ಹೋರಾಟದಲ್ಲಿ ಇಂಡೋನೇಷಿಯಾ ಆಟಗಾರ ಶೇಸರ್ ಹೈರನ್ ರುಸ್ತವಿಟೊ ವಿರುದ್ಧ ಸೋಲನುಭವಿಸಿದ ಭಾರತದ ಆಟಗಾರ ಅಜಯ್ ಜಯರಾಮ್ ರನ್ನರ್ ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟಿದ್ದಾರೆ.
ಎದುರಾಳಿಯ ವಿರುದ್ಧ ಅಜಯ್ 14-21, 10-21 ಸೆಟ್ ಗಳಿಂದ ಪರಾಭವ ಅನುಭವಿಸಿದ್ದಾರೆ.ಈ ಮೂಲಕ ಅವರು ಪ್ರಶಸ್ತಿ ಮುಡಿಗೇರಿಸಿಕೊಳ್ಳುವ ಅವಕಾಶವನ್ನು ಕಳೆದುಕೊಂಡಿದ್ದಾರೆ.
ಕೇವಲ 28 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ಶೇಸರ್, ಜಯರಾಮ್ ವಿರುದ್ಧ ಸುಲಭ ಜಯ ದಾಖಲಿಸಿದ್ದಾರೆ. ಕಳೆದ ತಿಂಗಳು ನಡೆದಿದ್ದ ವೈಟ್ ನೈಟ್ಸ್ ಇಂಟರ್ ನ್ಯಾಷನಲ್ ಚಾಲೆಂಜ್ ನಲ್ಲಿ ಸಹ ಜಯರಾಮ್ ದ್ವಿತೀಯ ಸ್ಥಾನಿಯಾಗಿದ್ದು ಇದೀಗ ಮತ್ತೆ ಎರಡನೇ ಬಾರಿಗೆ ರನ್ನರ್ ಅಪ್ ಎನಿಸಿದ್ದಾರೆ.
ಶನಿವಾರ ನಡೆದಿದ್ದ ಸೆಮಿ ಫೈನಲ್ಸ್ ನಲ್ಲಿ ಜಯರಾಮ್ ಜಪಾನ್‌ನ ಯೂ ಇಗರಾಶಿ ಅವರನ್ನು 21-14 21-19 ಅಂತರದಲ್ಲಿ ಮಣಿಸಿದ್ದರು.