ಮೆಲ್ಬೋರ್ನ್: ತಮ್ಮ ದೀರ್ಘಕಾಲದ ಪ್ರತಿಸ್ಪರ್ಧಿ, ತೋಮಸ್ ಬೆರ್ಡಿಚ್ ಅವರನ್ನು ಮಣಿಸುವ ಮೂಲಕ ಆಸ್ಟ್ರೇಲಿಯನ್ ಓಪನ್ ಟೂರ್ನಿಯ ಸೆಮಿ ಫೈನಲ್ಸ್ ತಲುಪಿದ್ದಾರೆ.
ರಾಡ್ ಲಾವರ್ ಅರೆನಾದಲ್ಲಿ 7-6 (7-1) 6-3 6-4 ನೇರ ಸೆಟ್ ಗಳಿಂದ ಜಯ ಸಾಧಿಸಿದ ವಿಶ್ವದ ನಂಬರ್ ಒನ್ ಟೆನಿಸ್ ಆಟಗಾರ, ಹಾಲಿ ಚಾಂಪಿಯನ್ ಫೆಡರರ್ ತನ್ನ ವೃತ್ತಿಜೀವನದಲ್ಲಿ 14 ನೇ ಬಾರಿಗೆ ಆಸ್ಟ್ರೇಲಿಯನ್ ಓಪನ್ ಸೆಮಿಫೈನಲ್ಸ್ ಗೆ ತಲುಪಿದ್ದಾರೆ.
ಗ್ರ್ಯಾಂಡ್ ಸ್ಲಾಂ ಟೂರ್ನಿಗಳಲ್ಲಿ ಫೆಡರರ್ ಹಾಗು ಬೆರ್ಡಿಚ್ ಹತ್ತನೇ ಬಾರಿ ಪರಸ್ಪರ ಎದುರಾಗಿದ್ದು ಇದರಲ್ಲಿ ಈ ದಿನದ ಜಯ ಸೇರಿದಂತೆ ಎಂಟು ಬಾರಿ ಸ್ವಿಸ್ ಆಟಗಾರ ಫೆಡರರ್ ಗೆಲುವು ಸಾಧಿಸಿದ್ದಾರೆ.
ಇನ್ನು ಶುಕ್ರವಾರ ನಡೆಯಲಿರುವ ನಾಲ್ಕರ ಘಟ್ಟದ ಪಂದ್ಯದಲ್ಲಿ ಫೆಡರರ್ ದಕ್ಷಿಣ ಕೊರಿಯಾದ ಹೈಯಾನ್ ಚುಂಗ್ ಅವರನ್ನು ಎದುರಿಸಲಿದ್ದಾರೆ