ಹ್ಯಾಮಿಲ್ಟನ್  :ಇಲ್ಲಿ ನಡೆಯುತ್ತಿರುವ ನಾಲ್ಕು ಆಹ್ವಾನಿತ ರಾಷ್ಟ್ರಗಳ  ಹಾಕಿ ಪಂದ್ಯಾವಳಿಯಲ್ಲಿ ಭಾರತದ ಪುರುಷರ ಹಾಕಿ ತಂಡ ಜಪಾನ್  ತಂಡವನ್ನು 4-2 ಗೋಲುಗಳ ಅಂತರದಿಂದ ಮಣಿಸುವ ಮೂಲಕ ಫೈನಲ್ ಗೆ ಲಗ್ಗೆ ಇಟ್ಟಿದೆ.

ಈ ಹಿಂದಿನ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ತಂಡವನ್ನು 3-2, ಬೆಲ್ಜಿಯಂ ತಂಡವನ್ನು 5-4 ಗೋಲುಗಳಿಂದ ಅಂತರದಿಂದ ಸೋಲಿಸಿದ ಭಾರತ, ಮನ್ ದೀಪ್ ಸಿಂಗ್ ಹಾಗೂ ರಮಣ್ ದೀಪ್ ಸಿಂಗ್ ಅವರ ಎರಡು ಗೋಲುಗಳ ನೆರವಿನಿಂದ ಫೈನಲ್ ಪ್ರವೇಶಿಸಿತು.

ಮನ್ ದೀಪ್ ಸಿಂಗ್ ಹಾಗೂ ರಮಣ್ ದೀಪ್ ಸಿಂಗ್  ಅವರು 58 ನೇ ನಿಮಿಷದಲ್ಲಿ ಎರಡು ಗೋಲುಗಳನ್ನು ಸಿಡಿಸಿದರು. ಇದಕ್ಕೂ ಮುನ್ನ 12 ನಿಮಿಷದಲ್ಲಿ ವಿವೇಕ್ ಸಾಗರ್ ಪ್ರಸಾದ್  ಹಾಗೂ  30 ನೇ ನಿಮಿಷದಲ್ಲಿ ವರುಣ್ ಕುಮಾರ್  ಅವರು ಭಾರತಕ್ಕೆ ಎರಡು ಗೋಲು ತಂದುಕೊಟ್ಟಿದ್ದರು.

ನಾಳೆ ನಡೆಯಲಿರುವ ಪಂದ್ಯದಲ್ಲಿ ಭಾರತ ತಂಡ ವಿಶ್ವ ಕ್ರಮಾಂಕದಲ್ಲಿ ಮೂರನೇ ಸ್ಥಾನದಲ್ಲಿರುವ ಬೆಲ್ಜಿಯಂ ತಂಡವನ್ನು ಎದುರಿಸಲಿದೆ.