ಇಟಲಿಯ ಅಂತರಾಷ್ಟ್ರೀಯ ಫುಟ್ಬಾಲ್ ಆಟಗಾರ ಡೇವಿಡ್ ಅಸ್ಟೋರಿ ಅವರು ಶನಿವಾರ ರಾತ್ರಿ ಹೋಟೆಲ್ ವೊಂದರಲ್ಲಿ ನಿಗೂಢವಾಗಿ ಸಾವನ್ನಪ್ಪಿದ್ದಾರೆ.
ಕಳೆದ ರಾತ್ರಿ ಡೇವಿಡ್ ಅವರು ಹೋಟೆಲ್ ರೂಮ್ ನಲ್ಲಿ ಮೃತಪಟ್ಟಿದ್ದಾರೆ ಎಂದು ಅವರ ಫಿಒರೆಂಟಿನಾ ಕ್ಲಬ್ ಭಾನುವಾರ ಟ್ವೀಟ್ ಮಾಡಿದ್ದು, ತನ್ನ ನಾಯಕನ ಸಾವಿಗೆ ನಿಖರ ಕಾರಣ ಇನ್ನು ಗೊತ್ತಿಲ್ಲ ಎಂದು ಹೇಳಿದೆ. ಆದರೆ 31 ವರ್ಷದ ಫುಟ್ಬಾಲ್ ಆಟಗಾರ ಹೃದಯಾಘಾತದಿಂದ ನಿಧನರಾಗಿದ್ದಾರೆ ಎಂದು ಇಟಲಿ ಮಾಧ್ಯಮಗಳು ವರದಿ ಮಾಡಿವೆ.
ಎಸಿ ಮಿಲನ್ ನಲ್ಲಿ ತಮ್ಮ ವೃತ್ತಿ ಜೀವನ ಆರಂಭಿಸಿದ್ದ ಡೇವಿಡ್ ಅಸ್ಟೋರಿ, 2015ರಲ್ಲಿ ಫಿಒರೆಂಟಿನಾ ಕ್ಲಬ್ ಸೇರುವ ಮುನ್ನ 14 ಬಾರಿ ಇಟಲಿ ಪರವಾಗಿ ಅಂತರಾಷ್ಟ್ರಿಯ ಪಂದ್ಯಗಳನ್ನಾಡಿದ್ದರು.