ಗಾದಲಜಾರಾ(ಮೆಕ್ಸಿಕೋ): ಮೆಕ್ಸಿಕೋದಲ್ಲಿ ನಡೆಯುತ್ತಿರುವ ವಿಶ್ವಕಪ್ ಶೂಟಿಂಗ್ ನಲ್ಲಿ ಭಾರತೀಯ ಶೂಟರ್ ಗಳ ಪದಕ ಬೇಟೆ ನಿರಂತರವಾಗಿದೆ. ಐಎಸ್ಎಸ್ಎಫ್ ವಿಶ್ವಕಪ್ ನಲ್ಲಿ ಮಹಿಳೆಯರ 50 ಮೀಟ್ 3 ಪೋಸಿಷನ್ಸ್ ವಿಭಾಗದಲ್ಲಿ ಭಾರತದ ಅಂಜುಮ್ ಮೌಡ್ಗಿಲ್ ಬೆಳ್ಳಿ ಪದಕ ಗಳಿಸಿದ್ದಾರೆ.
ಅಂಜುಮ್ ಪಾಲಿಗೆ ಇದು ಚೊಚ್ಚಲ ವಿಶ್ವಕಪ್ ಪದಕವಾಗಿದೆ.ತೀವ್ರ ಪೈಪೋಟಿ ಇದ್ದ ಸ್ಪರ್ಧೆಯಲ್ಲಿ ಅಂಜುಮ್ 454.2 ಅಂಕಗಳನ್ನು ಗಳಿಸಿ ದ್ವಿತೀಯ ಸ್ಥಾನಿಯಾಗಿ ಹೊರಹೊಮ್ಮಿದ್ದಾರೆ.
ಇದೇ ಸ್ಪರ್ಧಾ ವಿಬಾಗದಲ್ಲಿ ಚೀನಾದ ರ್ಯುಜಿಯಾವೋ ಪೀ ಪ್ರಥಮ ಸ್ಥಾನ ಪಡೆದು ಚಿನ್ನದ ಪದಕ ಜಯಿಸಿದರೆ ಚೀನಾದ ಇನ್ನೋರ್ವ ಶೂಟರ್ ಟಿಂಗ್ ಸುನ್ ಕಂಚಿನ ಪದಕ ಗಳಿಸಿದರು..
ಟೂರ್ನಿಯಲ್ಲಿ ಭಾರತ ಇದುವರೆಗೆ ಎಂಟು ಪದಕಗಳನ್ನು ಗಳಿಸಿದ್ದು ಮೂರು ಚಿನ್ನ, ಒಂದು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗೊಳೊಡನೆ ಪದಕ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿದೆ.