ಬ್ಯೂನಸ್ ಐರಿಸ್: ಇಲ್ಲಿ ನ್ಡೆಯುತ್ತಿರುವ ಯೂತ್ ಒಲಂಪಿಕ್ ಕ್ರೀಡಾಕೂಟದಲ್ಲಿ ಭಾರತದ ಭರವಸೆಯ ಯುವ ಬ್ಯಾಡ್ಮಿಂತನ್ ತಾರೆ ಲಕ್ಷ ಸೇನ್ ರಜತ ಪದಕ ಗಳಿಸಿದ್ದಾರೆ.
ಸೇನ್ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಚೀನಾದ ಲಿ ಶಿಫೆಂಗ್ ವಿರುದ್ಧ 15-21, 19-21 ನೇರ ಸೆಟ್ ಗಳಿಂದ ಸೋತು ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದ್ದಾರೆ.
ಇದಕ್ಕೆ ಮುನ್ನ ನಡೆದ ಸೆಮಿ ಫೈನಲ್ಸ್ ಹಣಾಹಣಿಯಲ್ಲಿ ಸೇನ್ ಜಪಾನ್ ನ ಕೊಡಾಯ್ ನಾರಾವೋಕಾ ವಿರುದ್ಧ ೧೪-೨೧, ೨೧-೧೫, ೨೪-೨೨ ಅಂತರದಲ್ಲಿ ಗೆದ್ದು ಪದಕದ ಆಸೆಯನ್ನು ಗಟ್ಟಿಗೊಳಿಸಿಕೊಂಡಿದ್ದರು.
ಪ್ರಸಕ್ತ ಸಾಲಿನ ಯೂತ್ ಒಲಂಪಿಕ್ಸ್ ನಲ್ಲಿ ಭಾರತದ ಪರ ಬೆಳ್ಳಿ ಪದಕ ಗೆದ್ದ ಪ್ರಥಮ ಆಟಗಾರ ಎನ್ನುವ ಕೀರ್ತಿಗೆ ಸೇನ್ ಭಾಜನರಾಗಿದ್ದಾರೆ.
ಇದಕ್ಕೆ ಮುನ್ನ ೨೦೧೦ರಲ್ಲಿ ಸಿಂಗಾಪುರದಲ್ಲಿ ನಡೆದಿದ್ದ ಪ್ರಥಮ ಯೂತ್ ಒಲಂಪಿಕ್ಸ್ ನಲ್ಲಿ ಭಾರತದ ಪ್ರಣಯ್ ಕುಮಾರ್ ರಜತ ಗೆದ್ದು ಸಾಧನೆ ಮೆರೆದಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics