ಬ್ಯುರಿಸ್ ಐರಿಸ್: ಮೂರನೇ ಯೂತ್ ಒಲಂಪಿಕ್ಸ್ ಕ್ರೀಡಾಕೂಟದಲ್ಲಿ ಭಾರತದ ಕುಸ್ತಿ ತಾರೆ ಸಿಮ್ರಾನ್ ಮಹಿಳೆಯರ ಫ್ರೀ ಸ್ಟೈಲ್ 43 ಕೆ.ಜಿ ವಿಭಾಗದಲ್ಲಿ ಬೆಳ್ಳಿ ಪದಕ ಗಳಿಸಿದ್ದಾರೆ.
ಶನಿವಾರ ನಡೆದ ಫೈನಲ್ ಹಣಾಹಣಿಯಲ್ಲಿ ಸಿಮ್ರಾನ್ ಅಮೆರಿಕಾದ ಎಮಿಲಿ ಶಿಲ್ಸನ್ ವಿರುದ್ಧ 6-11 ಅಂತರದಲ್ಲಿ ಸೋತು ರಜತ ಪದಕಕ್ಕೆ ತೃಪ್ತಿಪಟ್ಟರು.
ಇದಕ್ಕೆ ಹಿಂದೆ 2017 ರಲ್ಲಿ ಕಚಕ್ ನ ವಿಶ್ವ ಚಾಂಪಿಯನ್ ಶಿಪ್ ನಲ್ಲಿ 40 ಕೆಜಿ ವಿಭಾಗದಲ್ಲಿ ಕಂಚಿನ ಪದಕ ಗಳಿಸಿಕೊಂಡಿದ್ದರು.
ಪ್ರಸ್ತುತ ಪಂದ್ಯದಲ್ಲಿ ಮೊದಲಿಗೆ ಶಿಲ್ಸನ್ ಎದುರು 2-9 ಅಂತರದಲ್ಲಿ ಮಣಿಯುವ ಮೂಲಕ ಸೋಲಿನ ಭೀತಿ ಅನುಭವಿಸಿದ್ದರು.ಆದರೆ ಎರಡನೇ ಸುತ್ತಿನಲ್ಲಿ ನಾಲ್ಕು ಪಾಯಿಂಟ್ ಗಳನ್ನು ಗಳಿಸಿ ಉತ್ತಮ ಆಟ ಪ್ರದರ್ಶಿಸಿದ್ದರು.
ಏತನ್ಮಧ್ಯೆ 2018 ಕ್ಯಾಡೆಟ್ ವರ್ಲ್ಡ್ ಚಾಂಪಿಯನ್ ಶಿಪ್ ನಲ್ಲಿ ಶಿಲ್ಸನ್ 43 ಕೆಜಿ ವಿಭಾಗದಲ್ಲಿ ಚಿನ್ನದ ಪದಕ ಗಳಿಸಿಕೊಂಡಿದ್ದರು.
ಇನ್ನು ಪ್ರಸಲ್ತ ನಡೆಯುತ್ತಿರುವ ಯೂತ್ ಒಲಂಪಿಕ್ಸ್ ನಲ್ಲಿ ಭಾರತ ಇದುವರೆಗೆ ಒಟ್ಟು ಮೂರು ಚಿನ್ನ, ಐದು ಬೆಳ್ಳಿ ಪದಕಗಳನ್ನು ತನ್ನದಾಗಿಸಿಕೊಂಡಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics