ರಾಫೆಲ್ ನಡಾಲ್ ಮತ್ತು ಸೆರೆನಾ ವಿಲಿಯಮ್ಸ್
ನ್ಯೂಯಾರ್ಕ್: ನ್ಯೂಯಾರ್ಕ್ ನಲ್ಲಿ ನಡೆಯುತ್ತಿರುವ ಪ್ರತಿಷ್ಠಿತ ಯುಎಸ್ ಓಪನ್ ಟೆನ್ನಿಸ್ ಪಂದ್ಯಾವಳಿಯಲ್ಲಿ ಸ್ಪೇನ್‌ನ ರಾಫೆಲ್ ನಡಾಲ್ ಸೆಮಿ ಫೈನಲ್ ಹಂತಕ್ಕೆ ಲಗ್ಗೆ ಇಟ್ಟಿದ್ದಾರೆ.
ಪುರುಷ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ವಿಶ್ವ ನಂ. 1 ನಡಾಲ್ ಆಸ್ಟ್ರೀಯಾದ ಡೊಮಿನಿಕ್ ಥೀಮ್ ವಿರುದ್ಧ 0-6, 6-4, 7-5, 6-7 (4), 7-6 (5) ಅಂತರದ ಜಯ ದಾಖಲಿಸಿದ್ದಾರೆ.
4 ಗಂಟೆ 49 ನಿಮಿಷಗಳ ಜಿದ್ದಾಜಿದ್ದಿನ ಹೋರಾಟದಲ್ಲಿ ನಡಾಲ್ ಜಯಿಸುವುದರೊಡನೆ ಪಂದ್ಯಾವಳಿಯಲ್ಲಿ ತನ್ನ 12 ನೇ ಬಾರಿಗೆ ಕ್ವಾರ್ಟರ್ ಫೈನಲ್ಸ್ ಜಯಿಸಿದ್ದಾರೆ.
ಒಂದು ವೇಳೆ ಈ ಪಂದ್ಯಾವಳಿಯಲ್ಲಿ ನಡಾಲ್ ವಿಜಯಿಯಾದಲ್ಲಿ 4ನೇ ಯುಎಸ್ ಓಪನ್ ಹಾಗೂ ಒಟ್ಟಾರೆ 18ನೇ ಗ್ರ್ಯಾನ್‌ಸ್ಲಾಮ್ ಪ್ರಶಸ್ತಿ ಅವರ ಮುಡಿಗೇರಲಿದೆ.
ಮಹಿಳಾ ವಿಭಾಗದಲ್ಲಿ ಅಮೆರಿಕಾದ ಟೆನ್ನಿಸ್ ತಾರೆ ಸೆರೆನಾ ವಿಲಿಯಮ್ಸ್ ಝೆಕ್ ಗಣರಾಜ್ಯದ ಕರೋಲಿನಾ ಪ್ರಿಸ್ಕೊವಾ ಅವರನ್ನು 6-4, 6-3 ಸೆಟ್ ಗಳಿಂದ ಸೋಲಿಸಿ ಸೆಮಿ-ಫೈನಲ್ ಪ್ರವೇಶಿಸಿದ್ದಾರೆ.