ಕ್ರೊವೇಷಿಯಾದ ಝಾಗ್ರೆಬ್ ನಲ್ಲಿ ನಡೆಯುತ್ತಿರುವ 4 ರಾಷ್ಟ್ರಗಳ ಫುಟ್ಬಾಲ್ ಟೂರ್ನಿಯಲ್ಲಿ ಭಾರತದ ಅಂಡರ್-19 ತಂಡ ಫ್ರಾನ್ಸ್ ಎದುರು ಸೋಲೊಪ್ಪಿಕೊಂಡಿದೆ. 

ಫ್ರಾನ್ಸ್ ವಿರುದ್ಧ ಪ್ರಾಬಲ್ಯ ಮೆರೆಯುವುದಕ್ಕೆ ಭಾರತಕ್ಕೆ ಹಲವು ಅವಕಾಶಗಳಿತ್ತಾದರೂ ಭಾರತ ಎದುರಾಳಿಯನ್ನು ಮಣಿಸುವುದಕ್ಕೆ ಸಾಧ್ಯವಾಗಿರಲಿಲ್ಲ. 44 ನೇ ನಿಮಿಷದಲ್ಲಿ ಫ್ರಾನ್ಸ್ 1-0 ಮುನ್ನಡೆ ಕಾಯ್ದುಕೊಂಡಿತ್ತು. ಇಂಟರ್ವಲ್ ನ ನಂತರ ಭಾರತದ ಅನಿಕೇತ್ ಗೋಲ್ ದಾಖಲಿಸಲು ಯತ್ನಿಸಿದರಾದರೂ ಚೆಂಡು ಕ್ರಾಸ್ ಬಾರ್ ಮೇಲೆ ಹಾದು ಹೋಗಿ ಅವಕಾಶ  ಕೈತಪ್ಪಿತು. 

73 ನೇ ನಿಮಿಷದಲ್ಲಿ 2ನೇ ಗೋಲ್ ದಾಖಲಿಸುವ ಮೂಲಕ  2-0 ಅಂತರದಿಂದ ಫ್ರಾನ್ಸ್ ಭಾರತದ ವಿರುದ್ಧ ಗೆದ್ದಿದೆ.