ಇಂದೆಂತಾ ಆಟ, ತಾನೇ ಗೆಲ್ಲಬೇಕು ಅಂತ ಪ್ರತಿಸ್ಫರ್ಧಿಯ ಬೈಕ್‌ಗೆ ಬ್ರೇಕ್ ಹಾಕಿದ!

ಸ್ಯಾನ್ ಮೆರಿನೋ: ಕ್ರೀಡಾಸ್ಫೂರ್ತಿಯನ್ನು ಮರೆತ ಆಟಗಾರನೊಬ್ಬ ತಾನೇ ಗೆಲ್ಲಬೇಕು ಅಂತ ಪ್ರತಿಸ್ಫರ್ಧಿ ಯ ಬೈಕ್ ಗೆ ಬ್ರೇಕ್ ಹಾಕಿ ಆತನ ಜೀವಕ್ಕೆ ಕುತ್ತು ತರುತ್ತಿದ್ದ.

ಸ್ಯಾನ್ ಮೆರೆನೋದಲ್ಲಿ ನಡೆದ ಮೋಟೋ ಜಿಪಿ ಸ್ಪರ್ಧೆಯಲ್ಲಿ ಬೈಕ್ ರೈಡರ್ ಒಬ್ಬ ಆಟದ ಮಧ್ಯೆ ತನ್ನ ಪ್ರತಿಸ್ಪರ್ಧಿಯ ಬೈಕ್ ನ ಬ್ರೇಕ್ ಹಾಕಿ ಎರಡು ವರ್ಷಗಳ ಕಾಲ ನಿಷೇಧಕ್ಕೊಳಗಾಗಿದ್ದಾನೆ. 

ಗಂಟೆಗೆ ಸುಮಾರು 220 ಕಿ.ಮೀ ವೇಗದಲ್ಲಿ ಹೋಗುತ್ತಿದ್ದ ರೆಮಾನೋ ಫೆನಾಟಿ ಎಂಬ ರೈಡರ್ ಆಟದ ಮಧ್ಯೆ ತನಗಿಂತ ಮುಂದಿದ್ದ ಸ್ಟೆಫೆನಾ ಮಾಂಜಿಯ ಬೈಕ್ ಬ್ರೇಕ್ ಒತ್ತಿದ್ದಾನೆ. ಅದೃಷ್ಟವಶಾತ್ ಸ್ಟೆಫೆನಾ ಕೂಡಲೇ ಬೈಕ್ ಅನ್ನು ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದು ಯಾವುದೇ ಅಪಾಯ ಸಂಭವಿಸಿಲ್ಲ. 

ರೊಮೆನೋ ಕೀಳು ಕೃತ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ಕ್ರೀಡಾಸ್ಪೂರ್ತಿಗೆ ಧಕ್ಕೆ ತಂದ ಆರೋಪದ ಮೇಲೆ ಆತನಿಗೆ ಎರಡು ವರ್ಷಗಳ ಕಾಲ ನಿಷೇಧ ಹೇರಲಾಗಿದೆ.