ನೈಹಾನ್ : 2024 ರ ಯುರೋ ಕಪ್ ಪುಟ್ಬಾಲ್ ಟೂರ್ನಮೆಂಟ್ ಅತಿಥ್ಯವನ್ನು ಜರ್ಮನಿ ವಹಿಸಿಕೊಳ್ಳಲಿದೆ.ಯುರೋಪಿಯನ್ ಫುಟ್ಬಾಲ್ ಸಂಘಗಳ ಒಕ್ಕೂಟ- (ಯುಇಎಫ್ ಎ) ಈ ವಿಷಯವನ್ನು ಸ್ಪಷ್ಪಪಡಿಸಿದೆ.
2006ರಲ್ಲಿ ಫೀಫಾ ವಿಶ್ವಕಪ್ ನಂತರ ಮತ್ತೊಂದು ದೊಡ್ಡದಾದ ಅಂತಾರಾಷ್ಟ್ರೀಯ ಪುಟ್ಬಾಲ್ ಟೂರ್ನಮೆಂಟ್ ಆಯೋಜಿಸಲು ಜರ್ಮನಿ ಬಿಡ್ ಸಲ್ಲಿಸುತ್ತಲೇ ಬಂದಿತ್ತು. ಸುಧೀರ್ಘ ಕಾಲದ ನಂತರ ಮತ್ತೊಂದು ಬೃಹತ್ತಾದ ಅಂತಾರಾಷ್ಟ್ರೀಯ ಪುಟ್ಬಾಲ್ ಟೂರ್ನಮೆಂಟ್ ನ್ನು ಜರ್ಮನಿ ಆಯೋಜಿಸುತ್ತಿದೆ.
ಯುನೈಟೆಡ್ ಜರ್ಮನಿಯಲ್ಲಿ ನಡೆಯುತ್ತಿರುವ ಮೊದಲ ಟೂರ್ನಮೆಂಟ್ ಇದಾಗಲಿದೆ. 1988ರಲ್ಲಿ ಪಶ್ಟಿಮ ಜರ್ಮನಿಯಲ್ಲಿ ಯುರೋ ಕಪ್ ಆಯೋಜಿಸಲಾಗಿತ್ತು.
ಯುಇಎಫ್ ಎ ಅಧ್ಯಕ್ಷ ಅಲೆಕ್ಸಾಂಡರ್ ಕೆಪೆರಿನ್ ಮತ್ತು ಇನ್ನಿತರ 16 ಮಂದಿ ಸದಸ್ಯರು ಜರ್ಮನಿ ಪರವಾಗಿ ಮತ ಚಲಾಯಿಸಿದರು. ಜರ್ಮನಿ ಬಿಡ್ಡಿಂಗ್ ಗೆದ್ದಿರುವ ವಿಚಾರವನ್ನು ತಿಳಿಸಿದ ಕೆಪೆರಿನ್, ಯುರೋಗಾಗಿ ಎರಡು ದೊಡ್ಡ ಪುಟ್ಬಾಲ್ ರಾಷ್ಟ್ರಗಳು ಪೈಪೋಟಿ ನಡೆಸಿದ್ದವು. ಆದರೆ. ದುರದೃಷ್ಟಕರ ಒಂದು ರಾಷ್ಟ್ರ ಮಾತ್ರ 2024 ರಲ್ಲಿ ಯುರೋ ಕಪ್ ಆಯೋಜಿಸಲಿದೆ ಎಂದು ತಿಳಿಸಿದರು.