ಇಸ್ತಾಂಬುಲ್: ಇಲ್ಲಿನ ಯಾಸರ್ ದೋಗು ಅಂತರಾಷ್ಟ್ರೀಯ ಕುಸ್ತಿ ಪಂದ್ಯಾವಳಿಯ ಮಹಿಳೆಯರ 53 ಕೆಜಿ ವಿಭಾಗದಲ್ಲಿ ಭಾರತದ ಕುಸ್ತಿಪಟು ವಿನೇಶ್ ಫೋಗಟ್ ಚಿನ್ನದ ಪದಕ ಗಳಿಸಿದ್ದಾರೆ.
ಅಂತಿಮ ಪಂದ್ಯದಲ್ಲಿ ಪೋಗಟ್ ರಷ್ಯಾದ ಎದುರಾಳಿ ಎಕಟೆರಿನಾ ಪೋಲೆಶ್ಚುಕ್ ಅವರನ್ನು ಅವರನ್ನು 9-5ರಿಂದ ಸೋಲಿಸಿ ಚಿನ್ನದ ಪದಕ ಗೆದ್ದರು
ಇದಕ್ಕೆ ಮುನ್ನವೇ ಸ್ಪೇನ್ ನಲ್ಲಿ ನಡೆದಿದ್ದ ಗ್ರ್ಯಾನ್ ಪ್ರಿ ಸ್ಪರ್ಧೆಯಲ್ಲಿಯೂ ವಿನೇಶ್ ಅಗ್ರಸ್ಥಾನ ಪಡೆದು ಸಾಧನೆ ಮಾಡಿದ್ದರು.
ಇದೊಂದು ಕುಸ್ತಿ ಒಕ್ಕೂಟದ ರ್ಯಾಂಕಿಂಗ್ ಸರಣಿ ಕ್ರೀಡಾಕೂಟವಾಗಿದ್ದು ವಿನೇಶ್ ಮಾತ್ರವಲ್ಲದೆ ಭಾರತೀಯರಾದ ಸೀಮಾ (50 ಕೆಜಿ) ಮತ್ತು ಮಂಜು (59 ಕೆಜಿ) ಅವರೂ ಸಹ ಅವರವರ ವಿಭಾಗದಲ್ಲಿ ಬಂಗಾರದ ಪದಕ ಸಾಧನೆ ಮಾಡಿದ್ದಾರೆ.