ನವದೆಹಲಿ: ನಾಲ್ಕು ಬಾರಿ ಏಷ್ಯನ್ ಚಾಂಪಿಯನ್ ಶಿಪ್ ನಲ್ಲಿ ಪದಕ ಸಾಧನೆ ಮಾಡಿರುವ ಶಿವ ಥಾಪ ಕಜಕಿಸ್ತಾನದ ನೂರ ಸುಲ್ತಾನ್ ನಲ್ಲಿ ಆಯೋಜಿಸಲಾಗಿದ್ದ ಪ್ರೆಸಿಡೆಂಟ್ ಕಪ್ ಬಾಕ್ಸಿಂಗ್ ಚಾಂಪಿಯನ್ ಶಿಪ್ ನ 63 ಕೆಜಿ ವಿಭಾಗದಲ್ಲಿ ಸ್ವರ್ಣ ಸಾಧನೆ ಮಾಡಿದ್ದು, ಮಹಿಳೆಯರ 60 ಕೆ.ಜಿ ವಿಭಾಗದಲ್ಲಿ ಪರವೀಣ ಬೆಳ್ಳಿ ಸಾಧನೆ ಮಾಡಿದ್ದಾರೆ.

ಭಾರತ ಈ ಟೂರ್ನಿಯಲ್ಲಿ ಒಂದು ಸ್ವರ್ಣ, ಒಂದು ಬೆಳ್ಳಿ ಹಾಗೂ ಎರಡು ಕಂಚಿನ ಪದಕ ಪಡೆದು ಬೀಗಿದೆ.

ಥಾಪ ಅವರ ಎದುರಾಳಿ ಕಜಕಿಸ್ತಾನ್ ದ ಜಾಕೀರ್ ಸೈಫುಲೀನ್ ಅವರು ಸೆಮಿಫೈನಲ್ಸ್ ನಲ್ಲಿ ಗಾಯಕ್ಕೆ ತುತ್ತಾಗಿದ್ದರಿಂದ ಪ್ರಶಸ್ತಿ ಸುತ್ತಿನ ಕಾದಾಟದಲ್ಲಿ ಇಳಿಯಲಿಲ್ಲ. ಪರಿಣಾಮ ಶಿವ ಥಾಪ ಬಂಗಾರದ ಪದಕಕ್ಕೆ ಕೊರಳೊಡಿದರು. ಇದೇ ವರ್ಷದ ಆರಂಭದಲ್ಲಿ ಇಂಡಿಯಾ ಓಪನ್ ನಲ್ಲಿ ಶಿವ ಸ್ವರ್ಣದ ನಗೆ ಬೀರಿದ್ದರು.