ಮುಂಬೈ: ಟ್ರಿಬಲ್ ಒಲಿಂಪಿಕ್ ಚಿನ್ನದ ಪದಕ ವಿಜೇತೆ ಹಾಗೂ ಐದು ಬಾರಿ ವಿಶ್ವ ದಾಖಲೆ ನಿರ್ಮಿಸಿದ ಮಹಿಳಾ ಈಜುಗಾರ್ತಿ ಸ್ಟಿಫಾನಿ ರೈಸ್ ಅವರು ಭಾರತದಲ್ಲಿ ಈಜು ಅಕಾಡೆಮಿ ಸ್ಥಾಪಿಸುವುದಾಗಿ ಮಂಗಳವಾರ ಘೋಷಿಸಿದ್ದಾರೆ.
ಮುಂಬರುವ 2028ರ ಒಲಿಂಪಿಕ್ಸ್ ಪೋಡಿಯಮ್‍ನಲ್ಲಿ ಭಾರತದ ಈಜುಪಟುಗಳನ್ನು ನಿಲ್ಲಿಸುವುದಾಗಿ ಶಪಥ ಮಾಡಿದ್ದಾರೆ. ಸ್ಟಿಫಾನಿ ರೈಸ್ ಅವರು ಇತ್ತೀಚೆಗಷ್ಟೆ ದಿ ಸ್ಪೋಟ್ರ್ಸ್ ಆಸ್ಟೇಲಿಯಾ ಹಾಲ್ ಫೇಮ್, ಅಥ್ಲೆಟಿಕ್ಸ್ ಸದಸ್ಯ ಗೌರವಕ್ಕೆ ಭಾಜನರಾಗಿದ್ದರು. ಭಾರತದಲ್ಲಿ ನಿಜಕ್ಕೂ ಪ್ರತಿಭಾವಂತ ಈಜುಪಟುಗಳಿದ್ದಾರೆ. ಅವರಿಗೆ ವಿಶ್ವ ದರ್ಜೆಯ ತರಬೇತಿ ಹಾಗೂ ಸಲಕರಣೆಗಳನ್ನು ನೀಡಬೇಕಾದ ಅಗತ್ಯವಿದೆ ಎಂದು ಹೇಳಿದ್ದಾರೆ.