ನವದೆಹಲಿ: ನವೆಂಬರ್ನಲ್ಲಿ ಭಾರತದಲ್ಲಿ ನಡೆಯಬೇಕಾಗಿದ್ದ ಫಿಫಾ ಅಂಡರ್ -17 ಮಹಿಳಾ ವಿಶ್ವಕಪ್ ಮುಂದೂಡಿಕೆಯಾಗಿದೆ. ವಿಶ್ವಾದ್ಯಂತ ವ್ಯಾಪಿಸಿರುವ ಕೊರೋನಾವೈರಸ್ ಹಾವಳಿಯಿಂದಾಗಿ ವಿಶ್ವಕಪ್ ಪಂದ್ಯಾವಳಿಯನ್ನು ಮುಂದೂಡಿ ಫಿಫಾ ಫುಟ್ಬಾಲ್ನ ಆಡಳಿತ ಮಂಡಳಿ ಶನಿವಾರ ಆದೇಶಿಸಿದೆ.
ನವೆಂಬರ್ 2 ರಿಂದ 21 ರವರೆಗೆ ಕೋಲ್ಕತಾ, ಗುವಾಹಟಿ, ಭುವನೇಶ್ವರ, ಅಹಮದಾಬಾದ್ ಮತ್ತು ನವೀ ಮುಂಬೈ ಸೇರಿದಂತೆ ದೇಶದ ಐದು ನಗರಗಳಲ್ಲಿ ಮಹಿಳಾ ಅಂಡರ್ -17 ವಿಶ್ವಕಪ್ ನಡೆಯಬೇಕಿತ್ತು.ಪಂದ್ಯಾವಳಿಯನ್ನು 16 ತಂಡಗಳ ನಡುವೆ ಆಯೋಜಿಸಲಾಗಿತ್ತು.
ಇದೇ ಮೊದಲ ಬಾರಿಗೆ ಭಾರತದಲ್ಲಿ ಅಂಡರ್ -17 ಮಹಿಳಾ ವಿಶ್ವಕಪ್ ನಡೆಯುತ್ತಿತ್ತು. ಆದರೆ ಕೊರೋನಾವೈರಸ್ ದ ಪರಿಣಾಮಗಳನ್ನು ಪರಿಹರಿಸಲು ಫಿಫಾ-ಕಾನ್ಫೆಡರೇಶನ್ಸ್ ಕಾರ್ಯ ಸಮೂಹವು ಇತ್ತೀಚೆಗೆ ಫಿಫಾ ಕೌನ್ಸಿಲ್ ನ ಬ್ಯೂರೋ ಈ ತೀರ್ಮಾನಕ್ಕೆ ಬಂದಿದೆ. ಮೂಲತಃ ಫಿಫಾ ಅಂಡರ್ -20 ಮಹಿಳಾ ವಿಶ್ವಕಪ್ ಪನಾಮ / ಕೋಸ್ಟಾ ರಿಕಾ 2020 ಅನ್ನು ಮುಂದೂಡಲು ಕಾರ್ಯನಿರತ ಗುಂಪು ಶಿಫಾರಸು ಮಾಡಿದೆ - ಈ ಪಂದ್ಯಾವಳಿ ಆಗಸ್ಟ್ / ಸೆಪ್ಟೆಂಬರ್ 2020ಕ್ಕೆ ನಿಗದಿಯಾಗಿತ್ತು.ತ್ತು ಫಿಫಾ ಅಂಡರ್ -17 ಮಹಿಳಾ ವಿಶ್ವಕಪ್ ಇಂಡಿಯಾ 2020 ನವೆಂಬರ್ ನಲ್ಲಿ ನಡೆಯುವುದಿತ್ತು.
ಇದೇ ವೇಳೆ "ಹೊಸ ದಿನಾಂಕಗಳನ್ನು ಮುಂದೆ ಪ್ರಕಟಿಸಲಾಗುವುದು"ಫಿಫಾ ಹೇಳಿಕೆಯಲ್ಲಿ ತಿಳಿಸಿದೆ.