ಲಂಡನ್: ಕೊರೋನಾವೈರಸ್ ನಿಂದಾಗಿ ಪಾಕಿಸ್ತಾನದ ಖ್ಯಾತ ಸ್ಕ್ವ್ಯಾಷ್  ಆಟಗಾರ ಅಜಂ ಖಾನ್ ಮೃತಪಟ್ಟಿದ್ದಾರೆ. ಅವರಿಗೆ 95 ವರ್ಷ ವಯಸ್ಸಾಗಿತ್ತು.

1959-62ರ ನಡುವೆ ಸತತವಾಗಿ ನಾಲ್ಕು ಬಾರಿ ಬ್ರಿಟಿಷ್ ಓಪನ್ ಪ್ರಶಸ್ತಿ ಗೆದಿದ್ದ ಅಜಂಖಾನ್ ಅವರಿಗೆ ಕಳೆದ ವಾರ ಕೋವಿಡ್ - ಸೋಂಕು ತಗುಲಿರುವುದು ದೃಢಪಟ್ಟಿತ್ತು.  ಶನಿವಾರ ಲಂಡನ್ ನ ಈಲಿಂಗ್ ಆಸ್ಪತ್ರೆಯಲ್ಲಿ ಅವರು  ನಿಧನರಾಗಿದ್ದಾರೆ ಎಂಬುದಾಗಿ ಜಿಯೋ ಟಿವಿ ವರದಿ ಮಾಡಿದೆ.

ಜಗತ್ತಿನಾದ್ಯಂತ ಉತ್ತಮ ಸ್ಕ್ವ್ಯಾಷ್  ಆಟಗಾರನಾಗಿ ಹೆಸರು ಗಳಿಸಿದ್ದ ಅಜಂಖಾನ್, 1962ರಲ್ಲಿ ಮೊದಲ ಬಾರಿಗೆ ಅಮೆರಿಕ ಓಪನ್ ಟೂರ್ನಿಯಲ್ಲಿ ಪದಕ ಗೆದ್ದಿದ್ದರು. 

ಜಗತ್ತಿನಾದ್ಯಂತ ಮರಣ ಮೃದಂಗ ಬಾರಿಸುತ್ತಿರುವ ಕೊರೋನಾ ಸೋಂಕಿನಿಂದಾಗಿ ಪಾಕಿಸ್ತಾನದಲ್ಲಿ ಈವರೆಗೂ 16 ಜನರು ಮೃತಪಟ್ಟಿದ್ದು,  ಸುಮಾರು 1600 ಜನರಿಗೆ ಈ ಸೋಂಕು ತಗುಲಿರುವುದು ದೃಢಪಟ್ಟಿದೆ.