ಬೆಂಗಳೂರು: ಬೆಂಗಳೂರು ಎಫ್ಸಿ ಮುಂಬರುವ ಐಎಸ್ಎಲ್ ಸೀಸನ್ ಗಾಗಿ ತನ್ನ 32 ಮಂದಿಯ ತಂಡವನ್ನು ಘೋಷಿಸಿದ್ದು, ಸತತ ಎಂಟನೇ ಸೀಸನ್ ನಲ್ಲಿಯೂ ಸುನಿಲ್ ಚೆಟ್ರಿ ಅವರೇ ತಂಡದ ನೇತೃತ್ವ ವಹಿಸಲಿದ್ದಾರೆ. ಐವರು ಅಂಡರ್ -21 ಆಟಗಾರರನ್ನು ತಂಡದಲ್ಲಿ ಸೇರಿಸಿಕೊಳ್ಳಲಾಗಿದ್ದು ನವೆಂಬರ್ 22 ರಂದು ಎಫ್ಸಿ ಗೋವಾ ವಿರುದ್ಧದ ಅಭಿಯಾನವನ್ನು ಪ್ರಾರಂಭಿಸಲಿದೆ.
ಕಳೆದ ಸೀಸನ್ ತಂಡದಿಂದ 17 ಆಟಗಾರರು ಮತ್ತೆ ಆಯ್ಕೆಯಾಗುವುದರೊಂದಿಗೆ ತಂಡ ತಮ್ಮ ನಾಲ್ಕನೇ ಇಂಡಿಯನ್ ಸೂಪರ್ ಲೀಗ್ ಅಭಿಯಾನದತ್ತ ಸಾಗಿದೆ. "ಕ್ಲಬ್ ಗಾಗಿ, ಕಳೆದ ಸೀಸನ್ ಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ಆಟಗಾರರನ್ನು ಉಳಿಸಿಕೊಳ್ಳುವುದಕ್ಕೆ ನಾವು ತಯಾರಾಗಿದ್ದೇವೆ.ಅವರಿಂದ ಏನನ್ನು ನಿರೀಕ್ಷಿಸುತ್ತೇವೆ ಎಂಬುದನ್ನು ಕಲಿಯಬಲ್ಲ ಆಟಗಾರರನ್ನು ನಾವು ಗುರುತಿಸಿದ್ದೇವೆ. ಇದರಿಂದ ಅವರು ತಂಡಕ್ಕೆ ಸಹಾಯ ಮಾಡುತ್ತಾರೆ. ಅವರು ಹೇಗೆ ಒಟ್ಟಿಗೆ ಕೆಲಸ ಮಾಡುತ್ತಾರೆ ಎಂಬುದನ್ನು ನೋಡಲು ಇದು ಕುತೂಹಲಕ್ಕೆ ಕಾರಣವಾಗಿದೆ. ”ಎಂದು ತಂಡದ ಮುಖ್ಯ ತರಬೇತುದಾರ ಕಾರ್ಲೆಸ್ ಕ್ಯುಡ್ರಾಟ್ ಹೇಳಿದರು
ಸುರೇಶ್ ವಾಂಗ್ಜಮ್, ಅಮಯ್ ಮೊರಾಜ್ಕರ್, ದೀಪೇಶ್ ಚೌಹಾಣ್, ಥಾಯ್ ಸಿಂಗ್ ಇಮ್ಯಾನ್ಯುಯೆಲ್ ಲಾಲ್ಚಾಂಚುವಾ ಟೀಂ ನಲ್ಲಿ ಉತ್ತಮ ಬೆಳವಣಿಗೆಯ ಆಟಗಾರರ ಸ್ಥಾನ ತುಂಬಲಿದ್ದಾರೆ. ಜುವಾನ್ ಗೊನ್ಜಾಲೆಜ್, ಡಿಮಾಸ್ ಡೆಲ್ಗಾಡೊ, ಎರಿಕ್ ಪಾರ್ಟಲು ಮತ್ತು ದೇಶೋರ್ನ್ ಬ್ರೌನ್ ಈ ಸೀಸನ್ ನಲ್ಲಿ ತಂಡದಲ್ಲಿ ಉಳಿದುಕೊಂಡಿರುವ ವಿದೇಶಿ ಆಟಗಾರರಾಗಿದ್ದಾರೆ.