ನವದೆಹಲಿ: ಭಾರತೀಯ ಟೇಬಲ್ ಟೆನ್ನಿಸ್ ಆಟಗಾರರಾದ ಸಿದ್ದೇಶ್ ಪಾಂಡೆ ಮತ್ತು ಮುದಿತ್ ದಾನಿ ಮತ್ತು ಫಿಡೆಲ್ ಆರ್ ಸ್ನೇಹಿತ್ ಮತ್ತು ಸುಧಾಂಶು ಗ್ರೋವರ್ ಅವರು ಕಜಕಿಸ್ತಾನ್ ದ ಕರಗಂಡದಲ್ಲಿ ನಡೆದ ಐಟಿಟಿಎಫ್ ಅಂತಾರಾಷ್ಟ್ರೀಯ ಓಪನ್ ನಲ್ಲಿ ಪುರುಷರ ಡಬಲ್ಸ್ ನಲ್ಲಿ ಕಂಚಿನ ಪದಕಗಳನ್ನು ಗೆದ್ದರು.

ಸಿಂಗಲ್ಸ್ ವಿಭಾಗದಲ್ಲಿ ಹೈದರಾಬಾದ್‌ನ ಸ್ನೇಹಿತ್ ಕೂಡ ಫೈನಲ್‌ಗೆ ಪ್ರವೇಶಿಸಿದರು. ಅವರು ಸೆಮಿಫೈನಲ್‌ನಲ್ಲಿ 4-1ರಿಂದ ಬೆಲಾರಸ್‌ನ ಪಾವೆಲ್ ಪ್ಲಾಟೋನೊವ್ ಅವರನ್ನು ಸುಲಭವಾಗಿ ಸೋಲಿಸಿದರು. 

ವಿಶ್ವ ರ್ಯಾಂಕಿಂಗ್‌ನಲ್ಲಿ 405 ನೇ ಸ್ಥಾನದಲ್ಲಿರುವ ಭಾರತದ ಆಟಗಾರ 46 ನೇ ಶ್ರೇಯಾಂಕಿತ ಕಜಕಿಸ್ತಾನದ ಕಿರಿಲ್ ಗೆರಾಸಿಮೆಂಕೊ ಅವರನ್ನು ಫೈನಲ್‌ನಲ್ಲಿ ಎದುರಿಸಲಿದ್ದಾರೆ.