ನ್ಯೂಯಾರ್ಕ್: ಟೆನಿಸ್ ಲೋಕದ ದೈತ್ಯ ಪ್ರತಿಭೆ ಸೆರೆನಾ ವಿಲಿಯಮ್ಸ್ ನಿವೃತ್ತಿ ಘೋಷಿಸುವ ಮೂಲಕ ಕಣ್ಣೀರಿನ ವಿದಾಯ ಹೇಳಿದ್ದಾರೆ.

ಇದು ಬೇಸರದ ಕಣ್ಣೀರೋ, ಖುಷಿಯ ಕಣ್ಣೀರೋ ಎಂದು ತಿಳಿಯದು ಎಂದು ಹೇಳುತ್ತಾ ಪೋಷಕರಿಗೆ ಧನ್ಯವಾದ ಸಲ್ಲಿಸುವ ಮೂಲಕ ೨೭ ವರ್ಷದ ವೃತ್ತಿಜೀವನಕ್ಕೆ ವಿದಾಯ ಹೇಳಿದ್ದಾರೆ. ಸೆರೆನಾ ವಿಲಿಯಮ್ಸ್ ಅವರ ಕ್ವಾರ್ಟರ್-ಶತಮಾನದ ವೃತ್ತಿಪರ ಟೆನಿಸ್ ವೃತ್ತಿಜೀವನವು US ಓಪನ್‌ನ ಮೂರನೇ ಸುತ್ತಿನಲ್ಲಿ ಅಜ್ಲಾ ಟೊಮ್ಲಜಾನೋವಿಕ್ ವಿರುದ್ಧ 7-5, 6-7 (4), 6-1 ಅಂತರದ ಸೋಲಿನೊಂದಿಗೆ ಕೊನೆಗೊಂಡಿತು.

ಇದನ್ನು ಓದಿ: ಗಂಡು ಮಗುವಿಗೆ ಜನ್ಮ ನೀಡಿದ ಖ್ಯಾತ ಟೆನಿಸ್ ಆಟಗಾರ್ತಿ ಮಾರಿಯಾ ಶರಪೋವಾ

ಈ ತಿಂಗಳು 41 ನೇ ವರ್ಷಕ್ಕೆ ಕಾಲಿಡಲಿರುವ ಅಮೇರಿಕನ್, ಶುಕ್ರವಾರದಂದು ಆಸ್ಟ್ರೇಲಿಯಾದ ಅಜ್ಲಾ ಟೊಮ್ಲ್ಜಾನೋವಿಕ್ ವಿರುದ್ಧ ಮೂರನೇ ಸುತ್ತಿನ ಸೋಲಿನೊಂದಿಗೆ ಅವರ ಯುಎಸ್ ಓಪನ್‌ಗೆ ಭಾವನಾತ್ಮಕ ವಿದಾಯ ಭಾಷಣ ಆಟ ನೋಡಲು ನೆರೆದಿದ್ದವರ ಕಣ್ಣಾಲಿಗಳಲ್ಲಿ ನೀರು ಭರಿಸಿದವು.

ಇನ್ನು ಅವರ ನಿವೃತ್ತಿ ಜೀವನ ಉತ್ತಮವಾಗಿರಲೆಂದು ಹಲವು ಗಣ್ಯರು ಹಾರೈಸಿದ್ದು, ಮೈಕೆಲ್ ಒಬಾಮಾ ಅವರು, ಅತ್ಯದ್ಭುತವಾದ ವೃತ್ತಿಜೀವನಕ್ಕೆ ಅಭಿನಂದನೆಗಳು. ಕಾಂಪ್ಟನ್‌ನ ಯುವತಿಯೊಬ್ಬಳು ಸಾರ್ವಕಾಲಿಕ ಶ್ರೇಷ್ಠ ಕ್ರೀಡಾಪಟುಗಳಲ್ಲಿ ಒಬ್ಬಳಾಗಿ ಬೆಳೆಯುವುದನ್ನು ವೀಕ್ಷಿಸಿರುವ ನಾವು ಎಷ್ಟು ಅದೃಷ್ಟವಂತರು. ನನ್ನ ಸ್ನೇಹಿತೆ, ನಾನು ನಿನ್ನ ಬಗ್ಗೆ ಹೆಮ್ಮೆಪಡುತ್ತೇನೆ ಮತ್ತು ನಿಮ್ಮ ಪ್ರತಿಭೆಯೊಂದಿಗೆ ನೀವು ಬದಲಾಗುತ್ತಿರುವ ಜೀವನವನ್ನು ನೋಡಲು ಕಾತುರರಾಗಿದ್ದೇವೆ ಎಂದು ಟ್ವೀಟ್ ಮಾಡಿದ್ದಾರೆ.

ಟೆನಿಸ್ ಲೋಕದ ರಾಣಿ
ಈವರೆಗೆ ಒಟ್ಟು 23 ಗ್ರ್ಯಾನ್‌ಸ್ಲಾಮ್ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡ ಸೆರೆನಾ ಆಧುನಿಕ ಟೆನಿಸ್ ಲೋಕದ ರಾಣಿ ಎನಿಸಿದ್ದಾರೆ. ಹಾಗೆಯೇ ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಅತಿ ಹೆಚ್ಚು ಗ್ರ್ಯಾನ್‌ಸ್ಲಾಮ್ ಪ್ರಶಸ್ತಿ ಜಯಿಸಿದ ಆಟಗಾರ್ತಿ ಎಂಬ ಹಿರಿಮೆಗೆ ಭಾಜನರಾಗಿದ್ದಾರೆ. ಆಸ್ಟ್ರೇಲಿಯಾದ ಮಾಜಿ ಆಟಗಾರ್ತಿ ಮಾರ್ಗರೇಟ್ ಕೋರ್ಟ್(24) ಬಳಿಕ ಈ ಖ್ಯಾತಿ ಪಡೆದುಕೊಂಡಿದ್ದಾರೆ.