'ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ' ಸಿನಿಮಾ ಯಶಸ್ವಿಯಾಗಿರುವುದು ಗೊತ್ತೇ ಇದೆ. ನಾಟಕ, ಕಾದಂಬರಿ, ಸಿನಿಮಾಗಳಲ್ಲಿ ವಿಜೃಂಭಿಸಿರುವ ರಾಯಣ್ಣ ಈಗ ಯಕ್ಷರಂಗದಲ್ಲೂ ಮಿನುಗಲಿದ್ದಾನೆ. ಹೊಸ ಪ್ರಸಂಗಗಳ ಮೂಲಕ ಜನಮನ ಗೆದ್ದಿರುವ ದೇವದಾಸ ಈಶ್ವರಮಂಗಲ ಅವರು 'ಸಂಗೊಳ್ಳಿ ರಾಯಣ್ಣ' ಪ್ರಸಂಗವನ್ನು ರಚಿಸಿ, ನಿರ್ದೇಶಿಸಿ, ಸಂಯೋಜಿಸಿದ್ದಾರೆ. ಇದು ಅವರ 56ನೇ ಪ್ರಸಂಗ. ಮಳೆಗಾಲದ ತಿರುಗಾಟದಲ್ಲಿ ಬೆಂಗಳೂರಿಗೆ ಆಗಮಿಸಿರುವ ಸಾಲಿಗ್ರಾಮ ಮೇಳದ ಕಲಾವಿದರು ನಾಳೆ ಜುಲೈ8ರಂದು ರವೀಂದ್ರ ಕಲಾಕ್ಷೇತ್ರದಲ್ಲಿ 'ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ' ಪ್ರಸಂಗವನ್ನು ಪ್ರಸ್ತುತಪಡಿಸಲಿದ್ದಾರೆ. ರಾತ್ರಿ 10.30ರಿಂದ ಆಟ ಶುರು. 'ಐತಿಹಾಸಿಕ ಪ್ರಸಂಗಕ್ಕಾಗಿ ವಿಶೇಷ ರೀತಿಯ ರಂಗಸಜ್ಜಿಕೆ ಮತ್ತು ವಸ್ತ್ರವಿನ್ಯಾಸ ಮಾಡಲಾಗಿದೆ' ಎಂದಿದ್ದಾರೆ ದೇವದಾಸ. ಮಾಹಿತಿಗೆ: 9980380300, 9483803400.