ನವದೆಹಲಿ: ಅಪಹರಣಕಾರರಿಗೆ ಗಲ್ಲಿ ಶಿಕ್ಷೆ ನೀಡುವ ಹಾಗೂ ಮಿಸ್ಸೈಲ್ ಆಗಿ ಬಳಕೆಯಾಗುವ ವಿಮಾನಗಳನ್ನು ಹೊಡೆದುರುಳಿಸುವ ಅಧಿಕಾರವನ್ನು ಭದ್ರತಾ ಪಡೆಗಳಿಗೆ ನೀಡುವ ಹೊಸ ಕಾಯ್ದೆ ಬುಧವಾರ ರಾಜ್ಯಸಭೆಯಲ್ಲಿ ಮಂಡಣೆಯಾಯಿತು.
ವಿರೋಧ ಪಕ್ಷಗಳು ಧಾರ್ಮಿಕ ಮತಾಂತರದ ಬಗ್ಗೆ ಚರ್ಚೆ ನಡೆಸಲು ನಡೆದ ಪ್ರತಿಭಟನೆಯ ನಡುವೆಯೇ ಈ ಕಾಯ್ದೆ ರಾಜ್ಯಸಭೆಯಲ್ಲಿ ಮಂಡನೆಯಾಯಿತು.
ಈ ಹೊಸ ಶಾಸನ ಅಪಹರಣ ನಿಗ್ರಹ ಕಾನೂನಿನಲ್ಲಿ ತಿದ್ದುಪಡಿ ತರಲಿದೆ. ಜಾಗತಿಕ ಒಡಂಬಡಿಕೆಗಳಾದ ಬೀಜಿಂಗ್ ಪ್ರೋಟೋಕಾಲ್ ೨೧೦೧ ಮತ್ತು ವಿಶ್ವಸಂಸ್ಥೆಯ ಅಂತರಾಷ್ಟ್ರೀಯ ವಿಮಾನಯಾನ ಸಂಸ್ಥೆ (ಐ ಸಿ ಎ ಒ) ಗಳನ್ನೂ ಇದು ಒಳಗೊಳ್ಳಲಿದೆ.
ಈ ಶಿಷ್ಟಾಚಾರ, ನಾಗರಿಕ ವಿಮಾನವನ್ನು ಸಾಮೂಹಿಕ ವಿನಾಶದ ಆಯುಧವಾಗಿ ಉಗ್ರಗಾಮಿಗಳು ಬಳಸುವುದರ ವಿರುದ್ಧ ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳಲು ಅವಕಾಶ ನೀಡುತ್ತದೆ. ೧೯೯೯ರಲ್ಲಿ ಕಂದಹಾರ್ ವಿಮಾನ ಅಪಹರಣ ಹಾಗೂ ಅಮೇರಿಕಾದ ೯/೧೧ ದಾಳಿಯ ತರಹದ ಘಟನೆಗಳನ್ನು ಕಠಿಣ ರೀತಿಯಲ್ಲಿ ವ್ಯವಹರಿಸಲು ಭದ್ರತಾ ಪಡೆಗಳಿಗೆ ಅವಕಾಶ ನೀಡುತ್ತದೆ.