ಕಾಣೆಯಾದ ಎಮ್ ಎಚ್ ೩೭೦ ಮಲೇಶಿಯಾದ ವಿಮಾನ ಹುಡುಕುತ್ತಿರುವ ಬಗ್ಗೆ ಪ್ರಗತಿ ತಿಳಿಸದಿರುವ ಕಾರಣದಿಂದ ವಿಮಾನದಲ್ಲಿದ್ದ ಪ್ರಯಾಣಿಕರ ಕುಟುಂಬವರ್ಗ ಬೀಜಿಂಗ್ ನ ವಿದೇಶಾಂಗ ಸಚಿವಾಲಯದ ಹೊರಗೆ ಪ್ರತಿಭಟನೆ ನಡೆಸಿದರು ಎಂದು ತಿಳಿದು ಬಂದಿದೆ.

ಸರ್ಕಾರಿ ಅಧಿಕಾರಿಗಳು ಕೊಡಲೇ ತಮ್ಮ ಜೊತೆ ಮಾತನಾಡಿ, ಕಾಣೆಯಾದ ವಿಮಾನವನ್ನು ಹುಡುಕುತ್ತಿರುವುದರ ಪ್ರಗತಿಯನ್ನು ತಿಳಿಸಬೇಕೆಂದು ಪ್ರತಿಭಟನಕಾರರು ಆಗ್ರಹಿಸಿದ್ದಾರೆ. ಸಚಿವಾಲಯದ ಗೇಟ್ ನ ಬಳಿ ಸುಮಾರು ೩೦ ಜನರು ನೆರೆದಿದ್ದರು ಎಂದು ತಿಳಿದುಬಂದಿದೆ.

ಕಾಣೆಯಾಗಿರುವ ಒಬ್ಬ ಪ್ರಯಾಣಿಕನ ತಾಯಿ, ನನ್ನ ಮಗ ಬದುಕಿದ್ದಾನೆಂಬುದು ನನಗೆ ಖಚಿತ, ಆದರೆ ಸರ್ಕಾರ ಅವನನ್ನು ಹುಡುಕಬೇಕು ಎಂದಿದ್ದಾರೆ.

ಕೌಲಲಾಂಪುರದಿಂದ ಬೀಜಿಂಗ್ ಗೆ ತೆರಳುತ್ತಿದ್ದ ಎಮ್ ಎಚ್ ೩೭೦ ಮಲೇಶಿಯಾ ವಿಮಾನ ಮಾರ್ಚ್ ೮ ರಂದು ಕಾಣೆಯಾಗಿತ್ತು.