ನವದೆಹಲಿ: ಭಾರತೀಯ ವಾಯುಪಡೆಯ ಸಶಸ್ತ್ರ ಯುದ್ಧ ವಿಮಾನಗಳ ಸಂಖ್ಯೆ ೨೫ಕ್ಕೆ ಇಳಿದಿದ್ದು ಪಾಕಿಸ್ತಾನದ ವಿರುದ್ಧ ಇದ್ದ ತಾಂತ್ರಿಕ ಕೌಶಲ್ಯದ ಮುಂಚೂಣಿಯನ್ನು ಕಳೆದುಕೊಂಡಿದೆ ಎಂದು ಸಂಸದೀಯ ಸಮಿತಿ ಗಮನಿಸಿದೆ.
"ಸದ್ಯಕ್ಕೆ ನಮ್ಮಲ್ಲಿ ೨೫ ಸಶಸ್ತ್ರ ಯುದ್ಧ ವಿಮಾನಗಳಿವೆ. ಆದರೆ ನಮಗೆ ೪೨ ಸಶಸ್ತ್ರ ಯುದ್ಧ ವಿಮಾನಗಳನ್ನು ಹೊಂದಲು ಅಧಿಕಾರ ಇದೆ. ಆಶ್ಚರ್ಯಕರವಾಗಿ ಪಾಕಿಸ್ತಾನ ವಾಯುಪಡೆ ೨೬ ಸಶಸ್ತ್ರ ಯುದ್ಧ ವಿಮಾನಗಳನ್ನು ಹೊಂದಿದೆ. ಆದುದರಿಂದ ನಮ್ಮ ಶಕ್ತಿ ಈಗಾಗಲೇ ಕುಂದಿದೆ" ಎಂದು ಸಮಿತಿ ಗುರುತಿಸಿದೆ.
ಸೋಮವಾರ ಲೋಕಸಭೆಯಲ್ಲಿ ವರದಿಯನ್ನು ಒಪ್ಪಿಸಿದ ಭದ್ರತಾ ಉಸ್ತುವಾರಿ ಸಮಿತಿ, ನೆರೆಹೊರೆಯ ದೇಶಗಳಿಗೆ ಹೋಲಿಸಿದಾಗ ಕಡಿಮೆಯಾಗುತ್ತಿರುವ ಸಶಸ್ತ್ರ ಯುದ್ಧ ವಿಮಾಗಳಿಂದ ರಾಷ್ಟ್ರೀಯ ಭದ್ರತೆಯ ಜೊತೆ ರಾಜಿ ಮಾಡಿಕೊಂಡಿರುವುದು ಕರಾಳ ಸ್ಥಿತಿಯತ್ತ ಕೊಂಡೊಯ್ದಿದೆ ಎಂದು ತಿಳಿಸಿದೆ.
ಹಲವಾರು ವೇದಿಕೆಗಳಿಂದ ಯುದ್ಧ ವಿಮಾನಗಳನ್ನು ಪಡೆಯುವುದನ್ನು ಭಾರತ ನಿಧಾನಿಸಿರುವುದು ಇದಕ್ಕೆ ಒಂದು ಕಾರಣ ಎಂದು ಸಮಿತಿ ತನ್ನ ಅಭಿಪ್ರಾಯ ತಿಳಿಸಿದೆ.
ಈ ೨೫ ಸಕ್ರಿಯ ಯುದ್ಧ ವಿಮಾನಗಳಲ್ಲಿ ೧೪ ಮಿಗ್ ೨೧ ವಿಮಾನಗಳು ಮತ್ತು ಮಿಗ್ ೨೭ ವಿಮಾನಗಳು ೨೦೧೫ ಮತ್ತು ೨೦೨೪ ರೊಳಗೆ ನಿವೃತ್ತಿ ಪಡೆಯಲಿದ್ದು, ೨೦೨೪ ರ ವೇಳಗೆ ಈ ಸಂಖ್ಯೆ ೧೧ ಕ್ಕೆ ಕುಸಿಯಲಿದೆ ಎಂದು ಬಿಜೆಪಿ ಲೋಕಸಭಾ ಸದ್ಯ ಬಿ ಸಿ ಖಂಡೂರಿ ಮುಖಂಡತ್ವದ ೩೩ ಸದಸ್ಯರ ಸಮಿತಿ ಆತಂಕ ವ್ಯಕ್ತ ಪಡಿಸಿದೆ.
ಭಾರತೀಯ ವಾಯುಪಡೆ '೨೭೨ ಸುಖೋಯ್'- ೩೦ ಎಂ ಕೆ ಐ ಯುದ್ಧ ವಿಮಾನಗಳಿಗೆ ಗುತಿಗೆ ನೀಡಿದ್ದರೂ ಕೂಡ ಅವುಗಳು ಸಂದಾಯವಾಗುವುದು ೨೦೨೦ ರ ವೇಳೆಗೆ. ಅಂದರೆ ಆ ವರ್ಷ ವಾಯುಪಡೆಗೆ ೧೩ ಯುದ್ಧ ವಿಮಾನಗಳು ಸೇರ್ಪಡೆಯಾಗಲಿವೆ ಎಂದಿದೆ.