ಚೆನ್ನೈ: ಚೆನ್ನೈ ಪ್ರವಾಹ ಸಂತ್ರಸ್ತರಿಗೆ ಊಟ ತಿಂಡಿ, ವಸತಿ ಅಥವಾ ಇನ್ಯಾವುದೇ ರೀತಿಯಲ್ಲಿ ಸಹಾಯ ಮಾಡಬೇಕೆಂದು ಬಯಸುತ್ತೀರಾ? ಹಾಗಾದರೆ ಕೆಳಗೆ ಕೊಟ್ಟಿರುವ ಮಾಹಿತಿ ಓದಿ.

ನೀವು ತಮಿಳ್ನಾಡು ನಿವಾಸಿಗಳಾಗಿದ್ದರೆ ಸಂತ್ರಸ್ತರಿಗೆ ವಸತಿ ಸೌಕರ್ಯಗಳನ್ನು ಒದಗಿಸಬಹುದು. ಜಲ ಪ್ರಳಯದಲ್ಲಿ ನಿರ್ಗತಿಕರಾದವರಿಗೆ ಉಳಿದು ಕೊಳ್ಳಲು ಸ್ಥಳ ನೀಡುತ್ತೇವೆ ಎಂದು ಹಲವಾರು ಮಂದಿ ಸಾಮಾಜಿಕ ತಾಣಗಳಲ್ಲಿ ಆಹ್ವಾನ ನೀಡಿದ್ದಾರೆ. ಒಂದು ವೇಳೆ ನೀವೂ ಸಂತ್ರಸ್ತರಿಗೆ ವಸತಿ ಸೌಕರ್ಯ ಒದಗಿಸಬೇಕು ಎಂದಾದರೆ ಇಲ್ಲಿರುವ ಅರ್ಜಿ ತುಂಬಿಸಿ ಸಹಾಯ ಮಾಡಿ.

ಸಂತ್ರಸ್ತರಿಗೆ ದೇಣಿಗೆ ನೀಡಲು ಇಚ್ಛಿಸುತ್ತಿದ್ದರೆ ಎಐಎಸ್‌ಸಿ ಕ್ಯಾಂಪಸ್ ನ್ನು ಸಂಪರ್ಕಿಸಬಹುದು. ಎಮೆರ್ಜೆನ್ಸಿ ಫೌಂಡೇಷನ್ ಆಫ್ ಇಂಡಿಯಾ, ಭೂಮಿ ಮತ್ತು ಅನ್ನಾಲ್ ಹೋಮ್ ಫಾರ್ ಚಿಲ್ಡ್ರನ್ ಸಂತ್ರಸ್ತರಿಗೆ ಸಹಾಯ ಮಾಡುತ್ತಿದೆ. ಹೆಚ್ಚಿನ ಮಾಹಿತಿಗೆ ಇಲ್ಲಿ ಕ್ಲಿಕ್ ಮಾಡಿ.  

ಸಂತ್ರಸ್ತರಿಗೆ  ಆಹಾರ ವಸ್ತುಗಳನ್ನು ನೀಡಬೇಕೆಂದು ಇಚ್ಛಿಸುತ್ತಿದ್ದರೆ ಚೆನ್ನೈ ರೈನ್ ರಿಲೀಫ್ 2015  ಫೇಸ್  ಬುಕ್ ಪೇಜ್ ಗೆ ಭೇಟಿ ನೀಡಿ. ನೀವು ಚೆನ್ನೈ ನಿವಾಸಿಗಳು ಅಲ್ಲದೇ ಇದ್ದರೆ, ದೇಣಿಗೆ ಮಾಡಲು ಇಷ್ಟವಿದ್ದರೆ Women of Worth ವೆಬ್‌ಸೈಟ್‌ಗೆ ಭೇಟಿ ನೀಡಿ. 

ಚೆನ್ನೈ ನಿವಾಸಿಗಳಾಗಿದ್ದು ಸ್ವಯಂ ಸೇವಕರಾಗಿ ಸಂತ್ರಸ್ತರಿಗೆ ವಾಹನ, ಬಟ್ಟೆ ಅಥವಾ ಆಹಾರ ಪದಾರ್ಥಗಳನ್ನು ನೀಡಬಯಸುವಿರಾದರೆ Volunteer.org ಕ್ಲಿಕ್ ಮಾಡಿ ನೋಂದಣಿ ಮಾಡಿಕೊಳ್ಳಿ. 

ಮನುಷ್ಯರಿಗೆ ಮಾತ್ರವಲ್ಲ ಪ್ರಾಣಿಗಳಿಗೂ ನೆರವು ನೀಡಲು ಮರೆಯಬೇಡಿ. ಪ್ರಾಣಿಗಳಿಗೆ ಸಹಾಯ ಬಯಸುವಿರಾದರೆ ಈ ಮಾಹಿತಿ ನೋಡಿ.