ನವದೆಹಲಿ: ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರನ್ನು ಪ್ರತ್ಯಕ್ಷದರ್ಶಿಯಾಗಿ ಕೋರ್ಟ್ ಗೆ ಹಾಜರುಪಡಿಸಬೆಂದು ಮನವಿ ಮಾಡಿದ್ದ ಜಾರ್ಖಂಡ್ ಇಸ್ಪಾಟ್ ಪ್ರೈ. ಲಿ. ನ(ಜೆ ಐ ಪಿ ಎಲ್) ನಿರ್ದೇಶಕ ಆರ್ ಎಸ್ ರುಂಗ್ಟ ಅವರ ಅರ್ಜಿಯನ್ನು ವಿಶೇಷ ನ್ಯಾಯಾಲಯ ವಜಾ ಮಾಡಿದೆ.
ಪ್ರಧಾನ ಮಂತ್ರಿ ಕಾರ್ಯಾಲಯ ಮತ್ತು ಕಲ್ಲಿದ್ದಲು ಸಚಿವಾಲಯದಿಂದ ತಂದಿದ್ದ ದಾಖಲೆಗಳ ಸತ್ಯಾಸತ್ಯತೆಯನ್ನು ಧೃಢೀಕರಿಸಲು ಮನಮೋಹನ್ ಸಿಂಗ್ ಅವರನ್ನು ಹಾಜರುಪಡಿಸುವಂತೆ ಕೋರಿದ್ದ ಅರ್ಜಿಯನ್ನು ವಿಶೇಷ ಸಿಬಿಐ ನ್ಯಾಯಾಧೀಶ ಭರತ್ ಪರಾಶರ್ ವಜಾಗೊಳಿಸಿದ್ದಾರೆ.
ಜಾರ್ಖಂಡದ ಉತ್ತರ ಧಾಡು ಕಲ್ಲಿದ್ದಲು ಗಣಿಯನ್ನು ಜೆ ಐ ಪಿ ಎಲ್ ಗೆ, ತಪ್ಪು ಮತ್ತು ನಕಲು ದಾಖಲೆಗಳ ಆಧಾರದ ಮೇಲೆ ನೀಡಲಾಗಿದೆ ಎಂಬ ದೂರಿನ ವಿರುದ್ಧ ಈ ಪ್ರಕರಣದ ವಿಚಾರಣೆ ನಡೆಯುತ್ತಿದೆ.
ಆರ್ ಎಸ್ ರುಂಗ್ಟ ಅಲ್ಲದೆ, ಮತ್ತೊಬ್ಬ ನಿರ್ದೇಶಕ ಆರ್ ಸಿ ರುಂಗ್ಟ ಕೂಡ ಈ ಪ್ರಕರಣದಲ್ಲಿ ಆಪಾದಿತರಾಗಿದ್ದರೆ.