ಮುಂಬೈ: ತೀವ್ರ ಚರ್ಚೆಗೆ ಒಳಗಾಗಿದ್ದ ಸೆನ್ಸಾರ್ ಮಂಡಳಿಯ ೨೮ ಬೈಗುಳ-ಆಕ್ಷೇಪಾರ್ಹ ಪದಗಳ ಬಳಕೆಯ ನಿಷೇಧಕ್ಕೆ ಕೊನೆಗೂ ಸೆನ್ಸಾರ್ ಮಂಡಳಿ ತಡೆ ನೀಡಿದೆ. ಸೆನ್ಸಾರ್ ಮಂಡಲಿ ಬಿಡುಗಡೆ ಮಾಡಿದ್ದ ಈ ಪಟ್ಟಿ ತೀವ್ರ ವಿವಾದಕ್ಕೆ ಎಡೆ ಮಾಡಿ ಕೊಟ್ಟಿತ್ತು.
ಸೆಂಟ್ರಲ್ ಬೋರ್ಡ್ ಆಫ್ ಫಿಲ್ಮ್ ಸರ್ಟಿಫಿಕೇಷನ್ (ಸಿ ಎಫ್ ಬಿ ಸಿ) ಸದಸ್ಯರು ಮುಂಬೈನಲ್ಲಿ ನಡೆಸಿದ ಹಲವು ಘಂಟೆಗಳ ಸಭೆಯಲ್ಲಿ, ಈ ನಿಷೇಧದ ವಿರುದ್ಧ ಹಲವರು ಸದಸ್ಯರು ತಮ್ಮ ವಾದ ಮಂಡಿಸಿದರು ಎಂದು ಮೂಲಗಳು ತಿಳಿಸಿವೆ.
ಸದ್ಯದ ನಿಯಮವನ್ನೇ ಕಾಪಾಡಿಕೊಂಡು ಈ ನಿಷೇಧಿತ ಪದಗಳ ಪಟ್ಟಿ ತಡೆಯಲಾಗುವುದು ಎಂದು ತಿಳಿದು ಬಂದಿದೆ. ಆದರೆ ಇನ್ನು ಅಧಿಕೃತ ಮಾಹಿತಿ ಹೊರಬೀಳಬೇಕಿದೆ.