ಇಸ್ಲಾಮಿಕ್ ಸ್ಟೇಟ್ ಭಯೋತ್ಪಾದಕ ಸಂಘಟನೆ ಬಿಡುಗಡೆ ಮಾಡಿರುವ ಆಘಾತಕಾರಿ ವಿಡಿಯೋವೊಂದರಲ್ಲಿ ಬಾಲ ಜಿಹಾದಿಯೊಭ್ಬ ಸಿರಿಯಾ ಸೈನಿಕನ್ನು ಶಿರಚ್ಚೇಧ ಮಾಡುತ್ತಿರುವ ದೃಶ್ಯ ಬೆಚ್ಚಿಬೀಳಿಸುವಂತಿದೆ.

ಸಿರಿಯನ್ ವಿವಾದವನ್ನು ವರದಿ ಮಾಡುತ್ತಿರುವ ಸಂಸ್ಥೆಯ ಸಂಸ್ಥಾಪಕನ ಪ್ರಕಾರ ಬಾಲ ಜಿಹಾದಿಯೊಬ್ಬ ಶಿರಚ್ಛೇದ ಮಾಡುತ್ತಿರುವ ಕೃತ್ಯ ಇದೇ ಮೊದಲನೇ ಬಾರಿ ಎನ್ನಲಾಗಿದೆ.

ಪ್ರಾಚೀನ ನಗರ ಪಲ್ಮೀರಾ ಬಳಿ ತಲೆಗೆ ಕಪ್ಪು ಬಟ್ಟೆಯನ್ನು ಕಟ್ಟಿರುವ, ಮುಖವಾಢ ಧರಿಸದ ಬಾಲಕನೊಬ್ಬ ಖೈದಿಯ ಕತ್ತು ಕೊಯ್ಯುತ್ತಿರುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ.

ಈ ಹುಡುಗನನ್ನು 'ಕ್ಯಾಲಿಫತ್ ನ ಸಿಂಹದಮರಿ' ಎಂದು ಉಗ್ರ ಸಂಘಟನೆ ಹೆಸರಿಸಿದೆ. ಶಾಲೆಗಳ ಬಳಿ, ಮಸೀದಿಯ ಬಳಿ ಇಂತಹ ಮಕ್ಕಳನ್ನು ನೇಮಿಸಿಕೊಂಡು ಜಿಹಾದಿ ಮಿಲಿಟರಿ ತರಬೇತಿ ನಿಡುತ್ತಿರುವುದು ಸಾಮಾನ್ಯವಾಗಿದೆ ಎಂದು ತಿಳುದುಬಂದಿದೆ.