ಹೈದರಾಬಾದ್: ಅತ್ಯುತ್ತಮ ಗುಣಮಟ್ಟದ ವಾಸಕ್ಕೆ, ಭಾರತದ ನಗರಗಳಲ್ಲಿ ಹೈದರಾಬಾದ್ ಮೊದಲ ಸ್ಥಾನ ಪಡೆದಿದೆ.

ಮರ್ಸರ್ ಗುಣಮಟ್ಟದ ಜೀವನ ೨೦೧೫ ರ ವರದಿಯ ಪ್ರಕಾರ ಹೈದರಾಬಾದ್ ಜಾಗತಿಕವಾಗಿ ೧೩೮ನೆ ಸ್ಥಾನದಲ್ಲಿದ್ದು, ಭಾರದಲ್ಲಿ ಪುಣೆ, ಬೆಂಗಳೂರು, ಮುಂಬೈ ಮತ್ತು ನವದೆಹಲಿಯನ್ನು ಹಿಂದಿಕ್ಕಿ ಅತುತ್ತಮ ವಾಸಯೋಗ್ಯ ನಗರ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ.

ಈ ಅಧ್ಯಯನ ಸೂಚಿಸುವುದೇನೆಂದರೆ, ವಾಸ್ತವ್ಯದ ಗುಣಮಟ್ಟದಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ ಜಾಕತಿಕವಾಗಿ ಭಾರತದ ನಗರಗಳಲ್ಲಿ ಯಾವುದೇ ಬದಾಲಾವಣೆ ಇಲ್ಲ. ಅಂತರಾಷ್ಟ್ರೀಯ ಶಾಲೆಗಳು ಮತ್ತು ಶ್ರೇಷ್ಠ ಇಂಗ್ಲಿಶ್ ಸ್ಪೀಕಿಂಗ್ ಶಾಲೆಗಳು ಹೆಚ್ಚಿರುವುದರಿಂದ ಹೈದರಾಬಾದ್ ಮೇಲೆ ಬಂದಿದೆ ಎನ್ನಲಾಗಿದೆ.

ಅಲ್ಲದೆ ನಗರದಿಂದ ೨೨ ಕಿ ಮೀ ದೂರದಲ್ಲಿರುವ ಹೈದರಾಬಾದ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಸುಸಜ್ಜಿತವಾಗಿದ್ದು, ಹಲವಾರು ಅಂತರಾಷ್ಟ್ರೀಯ ವಿಮಾನಗಳ ಸೌಲಭ್ಯ ಹೊಂದಿದೆ.

ಜಾಗತಿಕವಾಗಿ ಪುಣೆ (೧೪೫), ಬೆಂಗಳೂರು (೧೪೬), ಚೆನ್ನೈ (೧೫೧), ಮುಂಬೈ (೧೫೨), ನವದೆಹಲಿ (೧೫೪), ಕೋಲ್ಕತ್ತಾ (೧೬೦) ಸ್ಥಾನ ಪಡೆದ ನಗರಗಳು.

ವಿಶ್ವದಲ್ಲೇ ಅತಿ ಹೆಚ್ಚಿನ ಗುಣಮಟ್ಟದ ವಾಸಯೋಗ್ಯ ನಗರವಾಗಿ ವಿಯೆನ್ನಾ ಸ್ಥಾನ ಪಡೆದಿದೆ. ಇತರ ಯೂರೋಪಿಯನ್ ನಗರಗಳು ಕೂಡ ಮೂಂಚೂಣಿಯಲ್ಲಿವೆ.