ನವದೆಹಲಿ: ಎಎಪಿ ನಾಯಕ ಪ್ರಶಾಂತ್ ಭೂಷಣ್ ಅವರ ಮೇಲೆ ಏಕರೂಪದ ದಾಳಿ ಮಾಡಿರುವ ಅರವಿಂದ್ ಕೇಜ್ರಿವಾಲ್ ಬಣ, ಇತ್ತೀಚೆಗೆ ನಡೆದ ದೆಹಲಿ ವಿಧಾನಸಭಾ ಚುನಾವಣೆಗಳಲ್ಲಿ ಆಪ್ ಪಕ್ಷ ಸೋಲಬೇಕೆಂದು ಪ್ರಶಾಂತ್ ಭೂಷಣ್ ಬಯಸಿದ್ದರು ಎಂದು ಮಹಾರಾಷ್ಟ್ರದ ಆಮ್ ಆದ್ಮಿ ಪಕ್ಷದ ನಾಯಕಿ ಅಂಜಲಿ ದಮನಿಯಾ ಹೇಳಿದ್ದಾರೆ.
ಪ್ರಶಾಂ ಭೂಷಣ್ ಚುನಾವಣೆಗೂ ಮುಂಚೆ ದಾನಿಗಳನ್ನು ಆಪ್ ಪಕ್ಷಕ್ಕೆ ದೇಣಿಗೆ ಕೊಡುವುದನ್ನು ತಪ್ಪಿಸಲು ಪ್ರಯತ್ನಿಸಿದ್ದರು ಕೂಡ ಎಂದು ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಆಪ್ತರಾದ ದಮನಿಯಾ ಹೇಳಿದ್ದಾರೆ.
"ಜನವರಿ ೨೭ರಂದು ನಾನು ಪ್ರಶಾಂತ್ ಅವರನ್ನು ಅವರ ಕಚೇರಿಯಲ್ಲಿ ಭೇಟಿ ಮಾಡಿದೆ. ದೆಹಲಿ ಚುನಾವಣೆಗಳನ್ನು ಪಕ್ಷ ಸೋಲಬೇಕು ಎಂದು ಅವರು ಹೇಳಿದ್ದಾಗ ನಾನು ಕಂಪಿಸಿದ್ದೆ" ಎಂದಿದ್ದಾರೆ.
"ನನಗೆ ತೀವ್ರ ಬೇಸರವಾಯಿತು. ನನ್ನ ಚೀಲವನ್ನು ಎತ್ತಿಕೊಂಡು ಕಚೇರಿಯಿಂದ ಹೊರನಡೆದೆ" ಎಂದು ದಮನಿಯಾ ತಿಳಿಸಿದ್ದಾರೆ.