ನವದೆಹಲಿ: ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಅಂಗವಾಗಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಶನಿವಾರ ಮಹಿಳೆಯರಿಗೆ ಶುಭ ಕೋರಿದ್ದಾರೆ.
"ಈ ಸಂಭ್ರಾಮಚರಣೆ, ಮಹಿಳೆಯರ ಸುರಕ್ಷತೆ ಮತ್ತು ಭದ್ರತೆಗೆ ನಮ್ಮ ಧ್ಯೇಯವನ್ನು ಮರು ನವೀಕರಿಸಲು ಇದು ಅವಕಾಶ" ಎಂದು ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಈಗಾಗಲೇ ಮಹಿಳೆಯರ ಸುರಕ್ಷತೆಗೆ ಹಲವಾರು ಕಾನೂನು-ಕಾಯ್ದೆಗಳನ್ನು ಜಾರಿಗೊಳಿಸಿದ್ದರು ಇನ್ನೂ ಹೆಚ್ಚಿನದನ್ನು ಮಾಡುವ ಅವಶ್ಯಕತೆ ಇದೆ ಎಂದಿದ್ದಾರೆ.
"ಕಾನೂನು-ಕಾಯ್ದೆಗಳಿಂದಷ್ಟೆ ನಮ್ಮ ಮಹಿಳೆಯರನ್ನು ಬಂಧನಮುಕ್ತಗೊಳಿಸಲು ಸಾಧ್ಯವಿಲ್ಲ. ನಮ್ಮ ಮಾನಸಿಕ ಮತ್ತು ನೈತಿಕ ನಿಯಮಾವಳಿಗಳನ್ನು ಬದಲಿಸಿಕೊಳ್ಳಬೇಕು ಹಾಗು ನಮ್ಮ ಸಾಮಾಜಿಕ ನಡವಳಿಯನ್ನು ತಿದ್ದುಕೊಳ್ಳಬೇಕು" ಎಂದಿದ್ದಾರೆ.
"ಎಲ್ಲ ಸಮಯದಲ್ಲೂ ಮಹಿಳೆಯರಿಗೆ ಗೌರವ ಮತ್ತು ಮನ್ನಣೆ ನೀಡಲು ಕಂಕಣ ತೊಡಬೇಕು" ಎಂದು ರಾಷ್ಟ್ರಪತಿ ತಿಳಿಸಿದ್ದಾರೆ.