ನವದೆಹಲಿ: ಎಎಪಿ ಹೊಸ ಆಂತರಿಕ ಲೋಕಪಾಲ್ ಸಮಿತಿಯನ್ನು ರಚಿಸಿದ ಕೆಲವೇ ದಿನಗಳು ಕಳೆದ ಮೇಲೆ ಈಗ ಮಾಜಿ ನೌಕಾ ಅಧ್ಯಕ್ಷ ರಾಮದಾಸ್ ಈ ನಡೆಯನ್ನು ಪ್ರಶ್ನಿಸಿ, ತಮ್ಮ ಅವಧಿ ನವೆಂಬರ್ ೨೦೧೬ರವರೆಗೂ ಇದೆ ಎಂದಿದ್ದಾರೆ.
೨೦೦೪ರ ರಾಮನ್ ಮ್ಯಾಗ್ಸಸೆ ಶಾಂತಿ ಪ್ರಶಸ್ತಿ ವಿಜೇತ ರಾಮದಾಸ್ ಎಎಪಿ ನಿರ್ಧಾರದಿಂದ ನನಗೆ ಆಶ್ಚರ್ಯವಾಗಿದೆ, ಗೊಂದಲವಾಗಿದೆ ಎಂದಿದ್ದಾರೆ. ನನ್ನ ಅವಧಿ ಮುಗಿದಿದೆ ಎಂದಾದರೆ ದೆಹಲಿ ವಿಧಾನಸಭಾ ಚುನಾವಣಾ ವೇಳೆಯಲ್ಲಿ ಆಂತರಿಕ ಲೋಕಪಾಲ್ ಆಗಿ ಕೆಲಸ ಮುಂದುವರೆಸಲು ಅವಕಾಶ ನೀಡಿದ್ದೇಕೆ ಎಂದು ಪ್ರಶ್ನಿಸಿದ್ದಾರೆ.
"ಈ ಮೊದಲೇ ಸೂಚನೆ ನೀಡಿದ್ದರೆ... ನನ್ನ ಅವಧಿ ಮುಗಿದಿದೆಯೆಂದು, ನಾನು ನನಗೆ ನೀಡಿದ್ದ ಕೆಲಸಗಳನ್ನು ಮಾಡುತ್ತಿರಲಿಲ್ಲ- ಈಗ ಅವುಗಳನ್ನು ಅಸಿಂಧು ಎಂದು ಕೂಡ ಹೇಳಬಹುದು" ಎಂದು ರಾಮದಾಸ್ ಪಕ್ಷದ ಪ್ರಧಾನ ಕಾರ್ಯದರ್ಶಿ ಪಂಕಜ್ ಗುಪ್ತಾ ಅವರಿಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ.
"ಜನವರಿ ೨೦೧೫ ರಲ್ಲಿ ನೀವು ರಾಷ್ಟ್ರೀಯ ಕಾರ್ಯದರ್ಶಿಯಾಗಿ ೧೨ ವಿಧಾನಸಭಾ ಅಭ್ಯರ್ಥಿಗಳ ವಿರುದ್ಧ ಇದ್ದ ದೂರುಗಳನ್ನು ಲೋಕಪಾಲನಾದ ನನಗೆ ತನಿಖೆಗಾಗಿ ಕಳುಹಿಸಿದ್ದನ್ನು ನೀವು ನೆನಪಿಸಿಕೊಳ್ಳಿ.
"ನಾನು ಅವರು ನಾಮಪತ್ರ ಸಲ್ಲಿಸುವುದಕ್ಕೂ ಮುಂಚೆ ಅವರ ಬಗ್ಗೆ ತನಿಖೆ ಮಾಡಿ ವರದಿ ಸಲ್ಲಿಸಿದ್ದೆ" ಎಂದು ಅವರು ತಿಳಿಸಿದ್ದಾರೆ.
"ಪಕ್ಷದ ಸಂವಿಧಾನದ ಪ್ರಕಾರ ಲೋಕಪಾಲನಾಗಿ ನನ್ನ ಅವಧಿ ಇದು ರಚನೆಯಾದ ನವೆಂಬರ್ ೨೦೧೩ ರಿಂದ ೩ ವರ್ಷದವರೆಗೂ ಇರುತ್ತದೆ" ಎಂದು ಅವರು ತಿಳಿಸಿದ್ದಾರೆ.