ವಾಶಿಂಗ್ಟನ್: ಐಐಟಿ ಪದವೀಧರೆಯೊಬ್ಬರನ್ನು ಏಷಿಯಾ ಅಮೇರಿಕಾ ಮಾತು ಪೆಸಿಫಿಕ್ ದ್ವೀಪ ನಿವಾಸಿಗಳ ಸಲಹಾ ಸಮಿತಿಗೆ ಒಬಾಮಾ ನಾಮನಿರ್ದೇಶನ ಮಾಡಿದ್ದಾರೆ.

ಐಐಟಿಯಿಂದ ಎಂಬಿಎ ಪದವೀಧರೆ ಸಂಜಿತ್ ಪ್ರಧಾನ ಅವರ ನೇಮಕವನ್ನು ಒಳಗೊಂಡಂತೆ ಹಲವು ಪ್ರಮುಖ ಹುದ್ದೆಗಳಿಗೆ ನೇಮಕ ಮಾಡಿ ಒಬಾಮ ಶುಕ್ರವಾರ ಘೋಷಣೆ ಮಾಡಿದ್ದಾರೆ.

"ಇವರು ತಮ್ಮ ಹುದ್ದೆಗಳಿಗೆ ಅಸಮಾನ್ಯ ಶ್ರದ್ಧೆಯನ್ನು ಸಲ್ಲಿಸುತ್ತಾರೆ ಹಾಗೂ ಅಮೇರಿಕಾ ಜನಗಳ ಸೇವೆ ಮಾಡಲಿದ್ದಾರೆ. ಅವರ ಜೊತೆ ಕೆಲಸ ಮಾಡಲು ಎದುರು ನೋಡುತ್ತಿದ್ದೇನೆ" ಎಂದು ಒಬಾಮ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಪ್ರಧಾನ ಅವರು ನೇಪಾಳಿ ಮೂಲದ ಅಮೇರಿಕಾ ನಿವಾಸಿ. ಅವರು ಸದ್ಯಕ್ಕೆ ಅಯೋವಾದ ಮಾನವ ಹಕ್ಕುಗಳ ಇಲಾಖೆಯ ಏಷಿಯಾ ಹಾಗೂ ಪೆಸಿಫಿಕ್ ದ್ವೀಪಕಗಳ ನಿವಾಸಿಗಳ ವ್ಯವಹಾರ ಕಚೇರಿಯ ಕಾರ್ಯಕಾರಿಣಿ ಅಧಿಕಾರಿಯಾಗಿ ೨೦೧೩ ರಿಂದ ಕಾರ್ಯನಿರ್ವಹಿಸುತ್ತಿದ್ದಾರೆ.