ನವದೆಹಲಿ: ದೆಹಲಿಯ ಮಂಗೋಲ್ಪುರಿ ಪ್ರದೇಶದಲ್ಲಿ ದೊಡ್ಡ ಮಟ್ಟದ ಬೆಂಕಿ ಕಾಣಿಸಿಕೊಂಡಿದ್ದರಿಂದ ಸುಮಾರು ೪೦೦ ಗುಡಿಸಲುಗಳು ಬೆಂಕಿಗಾಹುತಿಯಾಗಿ ನೆಲಸಮವಾಗಿವೆ.

ಇಲ್ಲಿಯವರೆಗೂ ೨೮ ಅಗ್ನಿ ಶಾಮಕ ವಾಹನಗಳನ್ನು ಸ್ಥಳಕ್ಕೆ ಕಳುಹಿಸಿದ್ದರು ಬೆಂಕಿ ನಂದಿಸುವ ಕಾರ್ಯ ಕುಂಠಿತವಾಗಿ ಪ್ರಗತಿಯಲ್ಲಿದೆ.

ಇಲ್ಲಿಯವರೆಗೂ ಯಾವುದೇ ಸಾವಿನ ವರದಿಯಾಗಿಲ್ಲ ಆದರೆ ತಾವು ಉಟ್ಟ ಬಟ್ಟೆ ಹೊರತುಪಡಿಸಿ ತಮ್ಮೆಲ್ಲ ವಸ್ತುಗಳು ಬೆಂಕಿಯಲ್ಲಿ ನಾಶವಾಗಿವೆ ಎಂದು ಅಲ್ಲಿನ ನಿವಾಸಿಗಳು ತಿಳಿಸಿದ್ದಾರೆ.

"ಮುಂಜಾವಿನಲ್ಲಿ ಬೆಂಕಿ ಕಾಣಿಸಿಕೊಂಡಿತು. ನಮ್ಮ ಮಕ್ಕಳು ನಮ್ಮನ್ನು ಎಚ್ಚರಿಸಿದರು. ನಮ್ಮ ಮನೆಗಳಿಗೆ ಬೆಂಕಿ ಬಿದ್ದಿರುವುದು ಕಂಡಾಕ್ಷಣ ನಮ್ಮ ಮಕ್ಕಳನ್ನು ಎತ್ತಿಕೊಂಡು ಹೊರಗೆ ಓಡಿ ಬಂದೆವು. ಅಡಿಗೆ ಸಾಮಗ್ರಿಗಳಿಮ್ದ ಹಿಡಿದು ಬಟ್ಟೆಯವರೆಗೆ ಎಲ್ಲವೂ ಸುಟ್ಟು ಹೋಗಿದೆ. ನಮ್ಮ ಮೈಮೇಲಿನ ಬಟ್ಟೆಯಷ್ಟೇ ಉಳಿದಿರುವದು" ಎಂದು ನಿವಾಸಿಯೊಬ್ಬರು ಅಳಲು ತೋಡಿಕೊಂಡಿದ್ದಾರೆ.