ನವದೆಹಲಿ: ಭಾರತ ಪ್ರಮುಖ ಮಿತ್ರ ದೇಶ ಮತ್ತು ಆಸ್ಟ್ರೇಲಿಯಾ ಭಾರತದ ಜೊತೆ ಮಿಲಿಟರಿ ಸಂಬಂಧಗಳನ್ನು ವೃದ್ಧಿಸುವುದರೆಡೆಗೆ ಆಸಕ್ತಿ ಹೊಂದಿದೆ ಎಂದು ಆಸ್ಟ್ರೇಲಿಯಾ ಭದ್ರತಾ ಸಚಿವ ಕೆವಿನ್ ಆಂಡ್ರ್ಯೂಸ್ ಬುಧವಾರ ತಿಳಿಸಿದ್ದಾರೆ.

ಭದ್ರತಾ ಅಧ್ಯಯನ ಮತ್ತು ಪರಿಶೀಲನೆ ಸಂಸ್ಥೆಯಲ್ಲಿ ನಡೆದ ಸಮಾವೇಶದಲ್ಲಿ ಭಾಗವಹಿಸಿದ್ದ ಅವರು, ಸೌಥ್ ಚೈನಾ ಸಮುದ್ರದಲ್ಲಿ ಚೈನಾದ ಚಟುವಟಿಕೆಗಳು ಆತಂಕಕಾರಿಯಾಗೇನೂ ಇಲ್ಲ ಆದರೆ ಚೈನಾ ತನ್ನ ಹಿತಾಸಕ್ತಿಗಳನ್ನು ಸ್ಪಷ್ಟಪಡಿಸಬೇಕು ಎಂದಿದ್ದಾರೆ.

"ಭಾರತ ಪ್ರಮುಖ ಮಿತ್ರ ದೇಶ.... ಭಾರತೀಯ ಮಹಾಸಾಗರ ಪ್ರದೇಶದಲ್ಲಿ ಸ್ಥಿರತೆ ಒದಗಿಸುವುದರಲ್ಲಿ ಭಾರತ ಪ್ರಮುಖ ಪಾತ್ರ ವಹಿಸಿರುವುದನ್ನು ಆಸ್ಟ್ರೇಲಿಯಾ ಗುರುತಿಸಿದೆ" ಎಂದು ಅವರು ತಿಳಿಸಿದ್ದಾರೆ.

ಆಂಡ್ರ್ಯೂಸ್ ಆಸ್ಟ್ರೇಲಿಯಾದಲ್ಲಿ ಮಿಲಿಟರಿ ತಾಲೀಮು ನಡೆಸಲು ಭಾರತೀಯ ವಾಯುಪಡೆಗ ಆಹ್ವಾನ ನೀಡಿದ್ದಾರೆ.

ಭಾರತಕ್ಕೆ ಮೂರು ದಿವಸದ ಪ್ರವಾಸದಲ್ಲಿರುವ ಆಂಡ್ರ್ಯೂಸ್, ಪ್ರಧಾನಿ ನರೇಂದ್ರ ಮೋದಿ ಮತ್ತು ರಕ್ಷಣಾ ಸಚಿವ ಮನೋಹರ್ ಪರ್ರಿಕರ್ ಅವರನ್ನು ಭೇಟಿಯಾಗಲಿದ್ದಾರೆ.