ಲಕನೌ: ಸುಲ್ತಾನಪುರ್ ಎಕ್ಸ್ಪ್ರೆಸ್ ನಲ್ಲಿ ಪ್ರಯಾಣಿಸುತ್ತಿದ್ದ ೧೦೦ ಕ್ಕೂ ಹೆಚ್ಚು ಜನ ಪ್ರಯಾಣಿಕರ ಹಣ ಮತ್ತು ಬೆಲೆ ಬಾಳುವ ವಸ್ತುಗಳನ್ನು ರಾಮಪುರದಲ್ಲಿ ಮಂಗಳವಾರ ದರೋಡೆಕೋರರು ದೋಚಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸುಲ್ತಾನಪುರದಿಂದ ಗುಜರಾತಿನ ಅಹಮದಾಬಾದಿಗೆ ಹೋಗುತ್ತಿದ್ದ ರೈಲಿನ ಭೋಗಿಗಳಿಗೆ ನುಗ್ಗಿದ ಶಸ್ತ್ರಾಸ್ತ್ರಗಳನ್ನು ಹಿಡಿದ ೧೨ ಕ್ಕೂ ಹೆಚ್ಚು ಜನ ಡಕಾಯಿತರು ಬಂಧೂಕು ತೋರಿಸಿ ದರೋಡೆ ಮಾಡಿ ತಪ್ಪಿಸಿಕೊಂಡಿದ್ದಾರೆ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಈ ಮಾರ್ಗದ ಮೊರಾದಾಬಾದ್ ಮತ್ತು ಇತರ ರೈಲ್ವೇ ನಿಲ್ದಾಣಗಳಲ್ಲಿ ಎಚ್ಚರಿಕೆಯಿಂದ ಇರಲು ಸರ್ಕಾರಿ ರೈಲ್ವೇ ಪೋಲಿಸ್ ತಂಡಗಳಿಗೆ ಸೂಚಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.