ಡೆಹ್ರಾಡೂನ್: ಉತ್ತರಾಖಂಡ್ ಹೈಕೋರ್ಟ್ ರಾಜ್ಯದಲ್ಲಿ ಕೇಂದ್ರ ಸರ್ಕಾರ ಹೇರಿದ್ದ ರಾಷ್ಟ್ರಪತಿ ಆಳ್ವಿಕೆಯನ್ನು ರದ್ದುಪಡಿಸಿದ, ಕಾಂಗ್ರೆಸ್ ಸರ್ಕಾರ ಮರುಕಳಿಸಲು ಅವಕಾಶ ನೀಡಿದ ನಂತರ ಗುರುವಾರ ಸಂಜೆ ಮುಖ್ಯಮಂತ್ರಿ ಹರೀಶ್ ರಾವತ್ ಸಂಪುಟ ಸಭೆ ಕರೆದಿದ್ದರು.
ಈ ಸಮಯದಲ್ಲಿ ಸರ್ಕಾರದ ಮುಂದೆ ಉಳಿದಿದ್ದ ೧೧ ಪ್ರಸ್ತಾವನೆಗಳನ್ನು ಸಂಪುಟ ಸಭೆ ನಿರ್ಣಯ ಕೈಗೊಂಡಿದೆ ಎಂದು ಮೂಲಗಳು ತಿಳಿಸಿವೆ.
ಮಾಸಿಕ ಸ್ಟೈಪಂಡ್ ೧೫೦೦೦ ರೂ ನೊಂದಿಗೆ ೬೦೦೦ ಸಹಾಯಕ ಶಿಕ್ಷಕರ ಮರು ನೇಮಕ ಕೂಡ ನಿರ್ಣಯ ಕೈಗೊಂಡಿರುವ ಪ್ರಸ್ತಾವನೆಗಳಲ್ಲೊಂದು ಎಂದು ತಿಳಿದುಬಂದಿದೆ.
ಅಲ್ಲದೆ ಏಪ್ರಿಲ್ ೨೯ ರಂದು ವಿಧಾನ ಸಭೆ ಅಧಿವೇಶನ ಕರೆದು ಅಂದೆ ರಾವತ್ ಸರ್ಕಾರ ೭೦ ಶಾಸಕರ ವಿಧಾನಭೆಯಲ್ಲಿ ಬಹುಮತ ಸಾಬೀತು ಪಡಿಸುವ ಪ್ರಕ್ರಿಯ ನಡೆಸಲು ಕೂಡ ಕೂಡ ಸಂಪುಟ ಸಭೆ ತಿರ್ಮಾನಿಸಿದೆ.