ನವದೆಹಲಿ: ಡೀಸೆಲ್ ಟ್ಯಾಕ್ಸಿ ಚಾಲಕರ ಮುಷ್ಕರ ಎರಡನೆ ದಿನಕ್ಕೆ ಮುಂದುವರೆದಿದ್ದು ಮಂಗಳವಾರ ಕೂಡ ದೇಶದ ರಾಜಧಾನಿಯ ಪ್ರಮುಖ ಪ್ರದೇಶಗಳಲ್ಲಿ ವಾಹನ ಚಾಲನೆಯನ್ನು ಸ್ಥಗಿತಗೊಳಿಸಲು ಮುಷ್ಕರ ನಿರತ ಚಾಲಕರು ಸಫಲರಾಗಿದ್ದಾರೆ.
ಮೇ ೧ ರಿಂದ ನವದೆಹಲಿಯಲ್ಲಿ ಡಿಸೇಲ್ ಮತ್ತು ಪೆಟ್ರೋಲ್ ಟ್ಯಾಕ್ಸಿಗಳನ್ನು ನಿಷೇಧಿಸಿ ಸುಪ್ರೀಂ ಕೋರ್ಟ್ ಆದೇಶ ನೀಡಿತ್ತು.
ದೆಹಲಿ ವಾಹನ ಸಂಚಾರ ಪೊಲೀಸರ ಪ್ರಕಾರ ದೆಹಲಿ-ನೋಯ್ಡಾ ನೇರ ಮೇಲುಸೇತುವ, ದೌಲಾ ಖಾನ್, ಮಹಿಪಾಲ್ಪುರ್ ಮಾತು ಗುರಗಾಂವ್ ಕಡೆಗೆ ಹೋಗುವ ಇನ್ನಿತರ ಮಾರ್ಗಗಳಲ್ಲಿ ವಾಹನ ಸಂಚಾರವನ್ನು ಪ್ರತಿಭಟನಾ ನಿರತ ಟ್ಯಾಕ್ಸಿ ಚಾಲಕರು ಸ್ಥಗಿತಗೊಳಿಸಿದ್ದಾರೆ ಎಂದು ತಿಳಿಸಿದ್ದಾರೆ.
ಈ ತೊಂದರೆಯನ್ನು ನಿವಾರಿಸಲು ಹೆಚ್ಚುವರಿ ವಾಹನ ಸಂಚಾರ ಪೊಲೀಸರನ್ನು ನಿಯೋಜಿಸಲಾಗಿದ್ದರೂ ಪರಿಸ್ಥಿತಿ ಉತ್ತಮಗೊಂಡಿಲ್ಲ.
"ದೆಹಲಿ ಮತ್ತು ಎನ್ ಸಿ ಆರ್ ನ ವಿವಿಧ ಪ್ರದೇಶಗಳಲ್ಲಿ ಪ್ರತಿಭಟನಕಾರರು ವಾಹನ ಸಂಚಾರಕ್ಕೆ ಅಡ್ಡಿ ಮಾಡಿ ಸ್ಥಗಿತಗೊಳಿಸಿದ್ದಾರೆ. ಈ ತೊಂದರೆ ನಿವಾರಿಸಲು ನಮ್ಮ ಅಧಿಕಾರಿಗಳನ್ನು ನಿಯೋಜಿಸಿದ್ದೇವೆ, ಇದಕ್ಕೆ ಇನ್ನೂ ಸಮಯ ಹಿಡುಯುತ್ತದೆ" ಎಂದು ಟ್ರಾಫಿಕ್ ಪೊಲೀಸರು ತಿಳಿಸಿದ್ದಾರೆ.