ನವದೆಹಲಿ: ಎಐಸಿಸಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರ ಭಾರತೀಯ ಪೌರತ್ವವನ್ನು ಯಾರು ಕಸಿದು ಕೊಳ್ಳುತ್ತಿದ್ದಾರೆ ಎಂದು ಬಿಜೆಪಿ ಸಂಸದ ಸುಬ್ರಮಣಿಯನ್ ಸ್ವಾಮಿ ಪ್ರಶ್ನಿಸಿದ್ದಾರೆ.

ನಾನು ಭಾರತದ ಪ್ರಜೆ, ನಾನು ಇಲ್ಲೇ ಸಾಯುವುದಾಗಿ  ಸೋನಿಯಾ ನೀಡಿರುವ ಹೇಳಿಕೆಗೆ ಪ್ರತಿಕ್ರಿಯಿಸಿರುವ ಸುಬ್ರಮಣಿಯನ್ ಸ್ವಾಮಿ, ಇಂಥಹ ಹೇಳಿಕೆಗಳು ಸೋನಿಯಾ ಅವರ ಘನತೆಗೆ ಗೌರವ ತರುವುದಿಲ್ಲ ಎಂದು ಹೇಳಿದ್ದಾರೆ.

ಸೋನಿಯಾ ಗಾಂಧಿ ಮೂಲತಃ ಸ್ವಭಾವದಲ್ಲಿ ಹೇಡಿಯಾಗಿದ್ದಾರೆ. ಈ ವೇಳೆಯಲ್ಲಿ ಈ ರೀತಿಯ ಹೇಳಿಕೆಗಳನ್ನು ಯಾಕೆ ನೀಡುತ್ತಿದ್ದಾರೋ ಗೊತ್ತಿಲ್ಲ, ಇಷ್ಟಕ್ಕೂ ಯಾರು ಅವರ ಪೌರತ್ವವನ್ನು ಕಿತ್ತುಕೊಳ್ಳುತ್ತಿಲ್ಲ.

ಒಂದು ವೇಳೆ ಅವರು 10 ಜನಪಥ್ ನಲ್ಲಿ ವಾಸಿಸುತ್ತಾರೋ ಅಥವಾ ತಿಹಾರ ಜೈಲಿನಲ್ಲಿರುತ್ತಾರೋ ಎಂಬುದು ನನಗೆ ಗೊತ್ತಿಲ್ಲ, ಆದರೇ ಅವರ ಪೌರತ್ವವನ್ನು ಯಾರು ಕಸಿದುಕೊಳ್ಳಲು ಯತ್ನಿಸುತ್ತಿಲ್ಲ ಎಂಬುದಂತು ಸತ್ಯ ಎಂದು ಸ್ವಾಮಿ ಹೇಳಿದ್ದಾರೆ.