ಯಾವುದೇ ಸವಾಲಿಗೂ ನಾವು ಸಿದ್ಧರಿದ್ದೇವೆ: ಭಾರತೀಯ ವಾಯುಪಡೆ ಮುಖ್ಯಸ್ಥ

ನವದೆಹಲಿ: "ಯಾವುದೇ ಸವಾಲಿಗೆ ಪರಿಣಾಮಕಾರಿಯಾಗಿ ಉತ್ತರಿಸಲು" ಭಾರತೀಯ ವಾಯುಪಡೆ ಸನ್ನದ್ಧವಾಗಿದೆ ಎಂದು ಏರ್ ಚೀಫ್ ಮಾರ್ಷಲ್ ಅರುಪ್ ರಾಹಾ ಶನಿವಾರ ಹೇಳಿದ್ದಾರೆ. 

ಐ ಎ ಎಫ್ ನ ಅಧಿಕೃತ ಫೇಸ್ಬುಕ್ ಪುಟದಲ್ಲಿ ಸಂದೇಶ ನೀಡಿರುವ ಅವರು ಭಾರತೀಯ ವಾಯುಪಡೆ ಅತ್ಯಂತ ಆಧುನಿಕ ಶಸ್ತ್ರಾಸ್ತ್ರಗಳನ್ನು ಒಳಗೊಂಡಿದೆ ಮತ್ತು ಆಕಾಶದಲ್ಲಿ ಕಣ್ಗಾವಲನ್ನು ಸದಾ ಇರಿಸಿದೆ ಎಂದಿದ್ದಾರೆ. 

"ಯಾವುದೇ ಸವಾಲನ್ನು ಬಹಳ ಪರಿಣಾಮಕಾರಿಯಾಗಿ ಎದುರಿಸುವ ತರಬೇತಿಯನ್ನು ಸದಾ ಜಾರಿಯಲ್ಲಿಟ್ಟಿರುತ್ತೇವೆ" ಎಂದು ಕೂಡ ಐ ಎ ಆಫ್ ಮುಖ್ಯಸ್ಥ ಹೇಳಿದ್ದಾರೆ. 

ಇಂದು ಶನಿವಾರ 84 ನೇ ಏರ್ ಫೋರ್ಸ್ ಡೇ ಆಗಿದ್ದು, ಐ ಎ ಎಫ್ ನ ಅಧಿಕೃತ ಫೇಸ್ಬುಕ್ ಪುಟಕ್ಕೆ ಚಾಲನೆ ನೀಡಲಾಗಿದೆ. 1932 ಅಕ್ಟೋಬರ್ 8 ರಂದು ಭಾರತೀಯ ವಾಯುಪಡೆಯನ್ನು ಸ್ಥಾಪಿಸಲಾಗಿತ್ತು. ಈ ನೆನಪಿನಲ್ಲಿ ಭಾರತೀಯ ವಾಯುಪಡೆ ದಿನವನ್ನು ಆಚರಿಸಲಾಗುತ್ತದೆ.