ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರ ಲಿಬರೇಶನ್ ಫ್ರಂಟ್ (ಜೆಕೆಎಲ್ಎಫ್) ಅಧ್ಯಕ್ಷ ಯಾಸಿನ್ ಮಲಿಕ್ ಅವರನ್ನು ಗುರುವಾರ ಬಂಧಿಸಲಾಗಿದ್ದು, ಹುರಿಯತ್ ಕಾನ್ಫರೆನ್ಸ್ ಮುಖ್ಯಸ್ಥ ಮೀರ್ವೈಜ್ ಉಮರ್ ಫಾರೂಕ್ ಅವರನ್ನು ಗೃಹಬಂಧನದಲ್ಲಿ ಇರಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 

ಶ್ರೀನಗರದ ಕೇಂದ್ರ ಭಾಗದಲ್ಲಿರುವ ಸಾರೈ ಬಾಲಾದಿಂದ ಲಾಲ್ ಚೌಕ್ ವರೆಗೆ ಪ್ರತಿಭಟನಾ ನಡಿಗೆಗೆ ಮಲಿಕ್ ಮತ್ತು ಅವರ ಬೆಂಬಲಿಗರು ಪ್ರಯತ್ನಿಸಿದಾಗ ಅವರನ್ನು ಬಂಧಿಸಲಾಗಿದೆ. 

ಇದಕ್ಕೂ ಮುಂಚಿತವಾಗಿ ವಿಶ್ವ ಸಂಸ್ಥೆಯ ಮಿಲಿಟರಿ ಪರಿವೀಕ್ಷಕರ ತಂಡದ ಮುಖ್ಯ ಕಚೇರಿಯೆಡೆಗೆ ಪ್ರತಿಭಟನೆ ಕೊಂಡೊಯ್ಯುತ್ತಿದ್ದ ಮೀರ್ವೈಜ್ ಅವರನ್ನು ಗೃಹಬಂಧನದಲ್ಲಿ ಇರಿಸಲಾಗಿದೆ. 

ಪ್ರತ್ಯೇಕವಾದಿ ಬಣಗಳು ಕರೆದಿರುವ ಪ್ರತಿಭಟನೆಗಳನ್ನು ನಿಲ್ಲಿಸಲು ಶ್ರೀನಗರದ ಹಲವೆಡೆ ಅಧಿಕಾರಿಗಳು ನಿರ್ಬಂಧಗಳನ್ನು ಹೇರಿದ್ದಾರೆ.