ಲುಧಿಯಾನ: ಪಂಜಾಬಿನ ಕೈಗಾರಿಕಾ ನಗರಿ ಲುಧಿಯಾನದ ಬಳಿ ತೆರೆದ ಪ್ರದೇಶದಲ್ಲಿ ೩೦ ಬಾಂಬ್ ಮತ್ತು ಹ್ಯಾಂಡ್-ಗ್ರೆನೇಡ್ ಗಳನ್ನು ಸೋಮವಾರ ಪೊಲೀಸರು ಪತ್ತೆ ಹಚ್ಚಿ ವಶಪಡಿಸಿಕೊಂಡಿದ್ದಾರೆ.
ಲುಧಿಯಾನದಿಂದ ೮ ಕಿಮೀ ದೂರದಲ್ಲಿರುವ ಅಲಮ್ಗಿರ್ ಪ್ರದೇಶದಲ್ಲಿ ಈ ಸ್ಫೋಟಕಗಳು ಪತ್ತೆಯಾಗಿರುವುದರ ಬಗ್ಗೆ ಪೊಲೀಸರು ತನಿಖೆ ಪ್ರಾರಂಭಿಸಿದ್ದಾರೆ.
ಈ ಸ್ಫೋಟಕಗಳನ್ನು ಮೊದಲು ಕಂಡ ಪ್ರಾದೇಶಿಕ ಜನ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರು ತಕ್ಷಣವೇ ಈ ಪ್ರದೇಶವನ್ನು ಸುತ್ತುವರೆದು ಸ್ಫೋಟಕಗಳನ್ನು ವಶಪಡಿಸಿಕೊಂಡಿದ್ದಾರೆ.
"ಬಾಂಬ್ ಮತ್ತು ಗ್ರೆನೇಡ್ ಗಳು ತುಂಬಾ ಹಳೆಯವಂತೆ ಕಾಣುತ್ತವೆ. ಇವು ಎಲ್ಲಿಂದ ಬಂದವು ಮತ್ತು ಇಲ್ಲಿಗೆ ಹೇಗೆ ಬಂದವು ಎಂಬುದನ್ನು ಪತ್ತೆ ಹಚ್ಚಲು ಪ್ರಯತ್ನಿಸುತ್ತಿದ್ದೇವೆ" ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos