ನವದೆಹಲಿ: ಜಗತ್ತಿನ ಅತ್ಯಂತ ಕಡಿಮೆ ಖರ್ಚಿನ 10 ನಗರಗಳ ಪೈಕಿ ಬೆಂಗಳೂರು ಸೇರಿದಂತೆ ಭಾರತದ ನಾಲ್ಕು ನಗರಗಳು ಸ್ಥಾನ ಪಡೆದಿದ್ದು, ಸಿಲಿಕಾನ್ ಸಿಟಿ ಮೂರನೇ ಸ್ಥಾನದಲ್ಲಿದೆ. ಇನ್ನು ಅತ್ಯಂತ ದುಬಾರಿ ನಗರಗಳ ಪೈಕಿ ಸಿಂಗಾಪುರ ಸತತ ನಾಲ್ಕನೆ ಬಾರಿ ಮೊದಲ ಸ್ಥಾನದಲ್ಲಿದ್ದು, ಹಾಂಗ್‌ ಕಾಂಗ್‌ ಹಾಗೂ ಜೂರಿಕ್‌ ನಂತರದ ಸ್ಥಾನದಲ್ಲಿವೆ.

ಎಕನಾಮಿಸ್ಟ್‌ ಇಂಟೆಲಿಜೆನ್ಸ್‌ ಯುನಿಟ್‌(ಇಐಯು) ವರದಿ ಪ್ರಕಾರ, ಜಗತ್ತಿನ ಹತ್ತು ಕಡಿಮೆ ಖರ್ಚಿನ ನಗರಗಳ ಪೈಕಿ ಬೆಂಗಳೂರು(3ನೇ ಸ್ಥಾನ), ಚೆನ್ನೈ(6ನೇ ಸ್ಥಾನ), ಮುಂಬೈ(7ನೇ ಸ್ಥಾನ) ಹಾಗೂ ನವದೆಹಲಿ(10ನೇ ) ಸ್ಥಾನ ಪಡೆದಿವೆ.

ಅತ್ಯಂತ ಕಡಿಮೆ ಖರ್ಚಿನ ನಗರಗಳ ಪೈಕಿ ಕಜಕಸ್ತಾನದ ‘ಆಲ್ಮಟಿ’ ಮೊದಲ ಸ್ಥಾನ ಪಡೆದರೆ, ನೈಜೀರಿಯಾದ ‘ಲಾಗೋಸ್‌’ ನಂತರದ ಸ್ಥಾನದಲ್ಲಿದೆ.

ಜಾಗತಿಕ ಜೀವನ ನಿರ್ವಹಣಾ ವೆಚ್ಚ  2017ರ ವರದಿಯ ಪ್ರಕಾರ, ವಿಶ್ವದ ದುಬಾರಿ ನಗರಗಳು ಹಾಗೂ ಕಡಿಮೆ ಖರ್ಚಿನ ನಗರಗಳಲ್ಲಿ ಏಷ್ಯಾ ಭಾಗದ ನಗರಳು ಪ್ರಮುಖ ಪಾತ್ರ ವಹಿಸಿದ್ದು, ಆಹಾರ, ನೀರು, ಉಡುಗೆ, ಸಂಚಾರ ಮನೆ ಬಾಡಿಗೆ ಸೇರಿದಂತೆ 160 ಉತ್ಪನ್ನ ಹಾಗೂ ಸೇವೆಗಳ ದರ ಗಮನಿಸಿ ಜೀವನ ನಿರ್ವಹಣಾ ವೆಚ್ಚದ ಸಮೀಕ್ಷೆ ನಡೆಸಲಾಗಿದೆ.

1. ಆಲ್ಮಟಿ

2. ಲಾಗೋಸ್‌

3. ಬೆಂಗಳೂರು

4. ಕರಾಚಿ

5. ಅಲ್ಜೀರ್ಸ್‌

6. ಚೆನ್ನೈ

7. ಮುಂಬೈ

8. ಕೀವ್‌

9. ಬುಚಾರೆಸ್ಟ್‌

10. ನವದೆಹಲಿ

1. ಸಿಂಗಾಪುರ

2. ಹಾಂಗ್‌ ಕಾಂಗ್‌

3. ಜುರಿಕ್‌

4. ಟೋಕಿಯೊ

5. ಒಸಾಕಾ

6. ಸಿಯೋಲ್‌

7. ಜಿನಿವಾ

8. ಪ್ಯಾರಿಸ್‌

9. ನ್ಯೂಯಾರ್ಕ್‌

10. ಕೋಪನ್‌ಹೇಗನ್‌