ದಕ್ಷಿಣ ದೀನಜಪುರ್: ಬೀಫ್ ಖಾದ್ಯದ ವಿಡಿಯೋ ಹಾಕಿದ್ದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಪರಿಹಾಸ್ಯಕ್ಕೆ ಗುರಿಯಾಗಿದ್ದ ನಟಿ ಕಾಜೋಲ್ ಅವರನ್ನು ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಪರೋಕ್ಷವಾಗಿ ಬೆಂಬಲಿಸಿದ್ದಾರೆ. ಮತ್ತೊಬ್ಬರ ಆಹಾರ ಅಭ್ಯಾಸದ ಬಗ್ಗೆ ಕೆಲವರು ಅಸಹಿಷ್ಣುಗಳಾಗಿರುವದು ಆತಂಕಕಾರಿ ಎಂದಿದ್ದಾರೆ.
"ನಾನು ಆ ನಟಿಯ ಹೆಸರನ್ನು ಹೇಳುವುದಿಲ್ಲ. ಅವರು ಶಾರುಖ್ ಖಾನ್ ಜೊತೆಗೆ ಹಲವು ಸಿನೆಮಾಗಳಲ್ಲಿ ನಟಿಸಿದ್ದಾರೆ. ಅವರು ಇತ್ತೀಚಿಗೆ ಒಂದು ವಿಡಿಯೋ ಹಾಕಿದ್ದರು ಮತ್ತು ಅದ್ಕಕಾಗಿ ಜನ ಅವರನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೊಲ್ ಮಾಡಿದ್ದರು. ಅದು ಗೋಮಾಂಸ ಅಲ್ಲ ಬದಲಿಗೆ ಎಮ್ಮೆಯದ್ದು ಎಂದು ಅವರು ಸ್ಪಷ್ಟೀಕರಣ ನೀಡಬೇಕಾಗಿ ಬಂತು. ಇದು ಆತಂಕಕಾರಿ ಸನ್ನಿವೇಶ" ಎಂದು ಕೂಡ ಅವರು ಹೇಳಿದ್ದಾರೆ.
ಕೆಲವರು ಅಸಹಿಷ್ಣುಗಳಾಗುತ್ತಿರವುದು ಆತಂಕಕಾರಿ ಸನ್ನಿವೇಶ ಮತ್ತು "ಅವರು ಮತ್ತೊಬ್ಬರು ಏನನ್ನು ತಿನ್ನಬೇಕು ಎನ್ನುವುದನ್ನು ಆದೇಶಿಸುತ್ತಿದ್ದಾರೆ" ಎಂದಿದ್ದಾರೆ.
ವಿಡಿಯೋ ತೆಗೆದುಹಾಕಿದ್ದ ೪೨ ವರ್ಷದ ನಟಿ ಕಾಜೋಲ್ ಧಾರ್ಮಿಕ ಭಾವನೆಗಳನ್ನು ಘಾಸಿ ಮಾಡುವ ಯಾವುದೇ ಇರಾದೆ ಇರಲಿಲ್ಲ ಎಂದಿದ್ದಾರೆ.