ಫ್ಲೋರಿಡಾ: ಸಾರ್ವಜನಿಕ ಸ್ಥಳಗಳಲ್ಲಿ ಕಾಮಕೇಳಿ ನಡೆಸುವುದು ನಮ್ಮಂಥ ಮಡಿವಂತ ದೇಶದಲ್ಲಿ ಮಾತ್ರವಲ್ಲ ಪಾಶ್ಚಾತ್ಯ ದೇಶಗಳಲ್ಲೂ ನಿಷಿದ್ದವೇ ಹಾಗೂ ಶಿಕ್ಷಾರ್ಹ. ಫ್ಲೋರಿಡಾದ ಸಮುದ್ರತೀರದಲ್ಲಿ ರಾಸಲೀಲೆ ನಡೆಸುವ ಸಾಹಸ ಮಾಡಿ ಜೈಲು ಪಾಲಾಗಿದ್ದಾನೆ ಈ ಭೂಪ. ಬರೀ ಅಷ್ಟೇ ಆಗಿದ್ದರೆ, ಒಂದೋ ಎರಡೋ ತಿಂಗಳು ಶಿಕ್ಷಾರ್ಹವಾಗುತ್ತಿತ್ತೇನೋ. ಆದರೆ ಈತ ಇನ್ನೂ ವಿಕೃತಿಗಿಳಿದು, 4 ವರ್ಷದ ಚಿಕ್ಕ ಹುಡುಗನ ಎದುರಲ್ಲೇ  ಪೌರುಷ ಪ್ರದರ್ಶನ ಮಾಡಿ ಎರಡೂವರೆ ವರ್ಷ ಸೆರೆಮನೆಗೆ ತಳ್ಳಲ್ಪಟ್ಟಿದ್ದಾನೆ. ಕಳೆದ ಜುಲೈನಲ್ಲಿ ಜೋಸ್ ಕ್ಯಾಬಲರೋ(40) ಫ್ಲೋರಿಡಾದ ಬೀಚ್‍ನಲ್ಲಿ ಜನಸಂದಣಿಯ ನಡುವೆಯೇ ಆಲ್ವರೆಜ್ ಎಂಬ ಪರಿಚಿತ ಯುವತಿಯೊಂದಿಗೆ ಮಟಮಟ ಮಧ್ಯಾಹ್ನದಲ್ಲೇ ಬಹಿರಂಗವಾಗಿ ಮಿಲನಮಹೋತ್ಸವ ಶುರುವಿಟ್ಟುಕೊಂಡಿದ್ದಾನೆ. 4 ವರ್ಷದ ಬಾಲಕ ಅದನ್ನು ನೋಡುತ್ತಿದ್ದರೂ ಇವರ ಆಟ ಮುಂದುವರಿದಿತ್ತು. ಇದನ್ನು ಪ್ರತ್ಯಕ್ಷದರ್ಶಿಯೊಬ್ಬ ವಿಡಿಯೋ ಮಾಡಿ ಪೊಲೀಸರಿಗೆ ನೀಡಿದ್ದಾನೆ. ಮಗುವನ್ನು ಎಳೆದೊಯ್ಯಲು ಬಂದ ತಾಯಿ ಸಲ್ಲಾಪ ನಿಲ್ಲಿಸಲು ಹೇಳಿದಾಗ ಕ್ಯಾಬಲರೋ ಆಕೆಯನ್ನೇ ಬಯ್ದು ಕಳಿಸಿದ್ದಾನೆ. ದೂರಿಗೆ ಸ್ಪಂದಿಸಿದ ನ್ಯಾಯಾಂಗ ಆತನಿಗೆ ಎರಡೂವರೆ ವರ್ಷ ಜೈಲುಶಿಕ್ಷೆ ವಿಧಿಸಿ ಯುವತಿಗೆ ಎಚ್ಚರಿಸಿ ಬಿಡುಗಡೆ ಮಾಡಿದೆ.