ನ್ಯೂಯಾರ್ಕ್: ಜನಪ್ರಿಯತೆಯ ನಡುವೆ ಮೋದಿ ವಿರೋಧಿಗಳೂ ಸಿಲಿಕಾನ್ ವ್ಯಾಲಿಯಲ್ಲಿದ್ದಾರೆ. ಅಮೆರಿಕದ 100ಕ್ಕೂ ಹೆಚ್ಚು ಕಾಲೇಜು ಪ್ರೊಫೆಸರ್ ಗಳು ಮತ್ತು ಶೈಕ್ಷಣಿಕ ತಜ್ಞರ ಗುಂಪೇ ಇದಕ್ಕೆ ಸಾಕ್ಷಿ.

ಇಂಟರ್ನೆಟ್ ನಲ್ಲಿ ಮುಕ್ತ ಪತ್ರವೊಂದನ್ನು ಅಪ್ ಲೋಡ್ ಮಾಡಿರುವ ಈ ಗುಂಪು, ಮೋದಿಯ ಡಿಜಿಟಲ್ ಇಂಡಿಯಾ ಬಗ್ಗೆ ಎಚ್ಚರವಿರಲಿ ಎಂದು ಕರೆ ನೀಡಿದೆ. ಭಾರತ ಸರ್ಕಾರವು ಜನರ ಖಾಸಗಿ ಸಂವಹನ, ಮಾತುಕತೆ ಮೇಲೆ ನಿಗಾ ಇಡಲು ಪ್ರಯತ್ನಿಸುತ್ತಿದೆ.

ಈ ಬಗ್ಗೆ ಎಚ್ಚರಿಕೆಯಿಂದಿರುವುದು ಅಗತ್ಯ ಎಂದು ಸ್ಟ್ಯಾನ್ ಫೋರ್ಡ್ ವಿವಿ ಆ್ಯಂಥ್ರೋಪಾಲಜಿ ಪ್ರೊಫೆಸರ್ ಥಾಮಸ್ ಬ್ಲಾಮ್ ಹಾನ್ಸೆನ್ ಹೇಳಿದ್ದಾರೆ. ಇವರು ಕಳೆದ 25 ವರ್ಷಗಳಿಂದಲೂ ಭಾರತದ ಬಗ್ಗೆ ಅಧ್ಯಯನ ನಡೆಸುತ್ತಿದ್ದಾರೆ.