ಕೊಲಂಬೊ: ತಮಿಳು ಪ್ರಾಬಲ್ಯವಿರುವ ಉತ್ತರ ಪ್ರಾಂತ್ಯದ ಜಫ್ನಾ ನಗರದಲ್ಲಿ ಶ್ರೀಲಂಕಾ ಪೊಲೀಸರು ಇಬ್ಬರು ತಮಿಳು ವಿದ್ಯಾರ್ಥಿಗಳನ್ನು ಗುಂಡಿಕ್ಕಿ ಹತ್ಯೆ ಮಾಡಿದ್ದಾರೆ.
ಇಂದು ಬೆಳಗಿನ ಜಾವ ಜಫ್ನಾದ ಕುಲಪ್ಪಿಡಿಯ ಕೊಕುವಿಲ್ ಪೊಲೀಸ್ ಚೆಕ್ ಪಾಯಿಂಟ್ ನಲ್ಲಿ ಜಫ್ನಾ ವಿಶ್ವವಿದ್ಯಾಲಯದ ಇಬ್ಬರು ತಮಿಳು ವಿದ್ಯಾರ್ಥಿಗಳನ್ನು ಗುಂಡಿಕ್ಕಿ ಹತ್ಯೆ ಮಾಡಲಾಗಿದೆ.
ಈ ಮಧ್ಯೆ, ತಮಿಳು ವಿದ್ಯಾರ್ಥಿಗಳ ಹತ್ಯೆ ಆರೋಪವನ್ನು ಸ್ಪಷ್ಟವಾಗಿ ನಿರಾಕರಿಸಿರುವ ಪೊಲೀಸರು, ಅವರು ಅಪಘಾತದಲ್ಲಿ ಮೃತಪಟ್ಟಿದ್ದಾರೆ ಎಂದು ಹೇಳಿದ್ದಾರೆ. ಆದರೆ ಮರಣೋತ್ತರ ಪರೀಕ್ಷೆ ವೇಳೆ ಓರ್ವ ವಿದ್ಯಾರ್ಥಿಯ ದೇಹದಲ್ಲಿ ಬುಲೆಟ್ ಗಳು ಪತ್ತೆಯಾಗಿವೆ.
ಈ ಸಂಬಂಧ ಚೆಕ್ ಪಾಯಿಂಟ್ ನಲ್ಲಿ ನಿಯೋಜನೆಗೊಂಡಿದ್ದ ಐವರು ಪೊಲೀಸರು ಬಂಧಿಸಲಾಗಿದೆ ಮತ್ತು ಸೇವೆಯಿಂದ ಅಮಾನತುಗೊಳಿಸಲಾಗಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.