ಇಸ್ಲಮಾಬಾದ್: ಎರಡು ದಿನಗಳ ನಂತರ ಪಾಕಿಸ್ತಾನದಲ್ಲಿ ಬಾಲಿವುಡ್ ಸಿನಿಮಾಗಳನ್ನು ಪ್ರದರ್ಶಿಸಲಾಗುವುದು ಎಂದು ಪಾಕ್ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವಾಲಯ ತಿಳಿಸಿದೆ.

ತಿಂಗಳ ಹಿಂದೆ ಬಾಲಿವುಡ್ ಸಿನಿಮಾಗಳ ಮೇಲಿನ  ನಿಷೇಧವನ್ನು ರದ್ಧುಗೊಳಿಸಿದ ನಂತರ ಪ್ರಸಿದ್ದ ಬಾಲಿವುಡ್ ಸಿನಿಮಾಗಳನ್ನು ಎರಡು ದಿನಗಳ ನಂತರ ಪ್ರದರ್ಶಿಸುವುದಾಗಿ ಇಲಾಖೆ ಗೆಜೆಟ್ ನೋಟಿಫಿಕೇಶನ್ ಹೊರಡಿಸಿದೆ.

ಸಿನಿಮಾ ಆಮದುಗಾರರು ಭಾರತೀಯ ಸಿನಿಮಾದ ಹೆಸರು, ಕಲಾವಿದರು ಸೇರಿದಂತೆ ಹಲವು ವಿಷಯಗಳ ಬಗೆಗಿನೆ ದಾಖಲೆಗಳನ್ನು  ಸೆನ್ಸಾರ್ ಮಂಡಳಿಗೆ ನೀಡಬೇಕು ಎಂದು ಮಾಹಿತಿ ಮತ್ತು ಪ್ರಸಾರ ಇಲಾಖೆಗೆ ನೋಟಿಫಿಕೇಶನ್ ನಲ್ಲಿ ಹೇಳಿದೆ.

ಭಾರತೀಯ ಸಿನಿಮಾಗಳ ಆಮದು ಪ್ರಕ್ರಿಯೆಯಲ್ಲಿ ಪ್ರಸಕ್ತವಾಗಿ ಯಾವ ನಿಯಮಗಳಿವೆಯೋ ಅದರಂತೆ ಮುಂದುವರಿಸಿಕೊಂಡು ಹೋಗುವುದಾಗಿ ತಿಳಿಸಿದೆ.