ಲಂಡನ್: ಕೃಷಿ ಭೂಮಿಯಲ್ಲಿ ಬಳಕೆ ಮಾಡುವ ಜೆಸಿಬಿಯನ್ನು ನಾಯಿ ಚಾಲೂ ಮಾಡಿದ ಪರಿಣಾಮ 73 ವರ್ಷದ ಬಿಲೇನಿಯರ್ ಡೈರಿ ರೈತ ಮೃತಪಟ್ಟಿರುವ ಘಟನೆ ಲಂಡನ್ ನಲ್ಲಿ ನಡೆದಿದೆ. 

ನಾರ್ತ್ ಸಾಮರ್ಸೆಟ್ ನ ಡೆರೆಕ್ ಮೀಡ್ ಮೃತಪಟ್ಟಿರುವ ರೈತನಾಗಿದ್ದಾರೆ. ಬೃಹತ್ ಪ್ರಮಾಣದ ಸರಕುಗಳನ್ನು ಸಾಗಣೆ ಮಾಡುವುದಕ್ಕೆ ಬಳಕೆ ಮಾಡಲಾಗುತ್ತಿದ್ದ ಜೆಸಿಬಿ ಫಾರ್ಮ್ ಲೋಡರ್ ನ್ನು ನಾಯಿ ಏಕಾಏಕಿ ಚಾಲೂ ಮಾಡಿದ ಪರಿಣಾಮ ರೈತ ಮೃತಪಟ್ಟಿದ್ದಾನೆ ಎಂದು ತಿಳಿದುಬಂದಿದೆ. 

ಜೆಸಿಬಿಯೊಳಗೆ ನುಗ್ಗಿದ ನಾಯಿ ಆಕಸ್ಮಿಕವಾಗಿ ಗೇರ್ ಲಿವರ್ ನ್ನು ಮುಂದೂಡಿದೆ. ಪರಿಣಾಮ ಜೆಸಿಬಿ ಫಾರ್ಮ್ ಲೋಡರ್ ಚಾಲೂ ಆಗಿ ರೈತನ ಮೇಲೆ ಹರಿದಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. ತೀವ್ರವಾಗಿ ಗಾಯಗೊಂಡ ರೈತನನ್ನು ಏರ್ ಆಂಬುಲೆನ್ಸ್ ಸಹಾಯದಿಂದ ಕೂಡಲೇ ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ಆತ ಬಕುಳಿಯಲಿಲ್ಲ.