ಅಲಪ್ಪುಜಾ: ಸ್ಕಾಟ್‌ಲ್ಯಾಂಡ್ ನ ಎಡಿನ್ಬರ್ಗ್ ನಲ್ಲಿ ನೆಲೆಸಿದ್ದ ಕೇರಳದ ಪಾದ್ರಿ ಜೂನ್ 20ರಿಂದ ಕಣ್ಮರೆಯಾಗಿದ್ದು ಅವರ ಮೃತದೇಹ ಬೀಚ್ ಬಳಿ ಪತ್ತೆಯಾಗಿದೆ.
ಪಾದ್ರಿ ಫಾದರ್ ಮಾರ್ಟಿನ್ ಅವರು ತಮ್ಮ ನಿವಾಸದ ಪಕ್ಕದಲ್ಲಿರುವ ಬೀಚ್ ನಲ್ಲಿ ಬೆಳಗ್ಗೆ ವಾಕಿಂಗ್ ಹೋಗಿದ್ದಾಗ ಅಪಘಾತ ಸಂಭವಿಸಿದ್ದು ಅದರಲ್ಲಿ ಅವರು ಮೃತಪಟ್ಟಿರುವುದಾಗಿ ಮಾರ್ಟಿನ್ ಅವರ ನೆರೆಮನೆಯವರು ತಿಳಿಸಿರುವುದಾಗಿ ಕುಟುಂಬಸ್ಥರು ತಿಳಿಸಿದ್ದಾರೆ.
ಕೇರಳದ ಕುಟ್ಟನಾಡ್ ನ ಪುಲಿನ್ಕುನ್ನು ಮೂಲದವರಾದ ಮಾರ್ಟಿನ್ ಪಿಎಚ್ಡಿಗಾಗಿ ಎಡಿನ್ಬರ್ಗ್ ಗೆ ತೆರಳಿದ್ದು ಇದೇ ವೇಳೆ ಫ್ರಾನ್ಸಿಸ್ ಕ್ಸೇವಿಯರ್ ಚರ್ಚ್ ನಲ್ಲಿ ಫಾದರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು ಎಂದು ತಿಳಿದುಬಂದಿದೆ.