ಅಬುದಾಬಿ: ಅಲ್​-ಖೈದಾ ಉಗ್ರ ಸಂಘಟನೆಯ ಮುಖ್ಯಸ್ಥಒಸಾಮ ಬಿನ್ ಲಾಡೆನ್ ಪುತ್ರ ಹಮ್ಜಾ ಬಿನ್​ ಲಾಡೆನ್ ಸೌದಿ ಪೌರತ್ವವನ್ನು ಸೌದಿ ಅರೇಬಿಯಾ ಸರ್ಕಾರ ರದ್ದುಗೊಳಿಸಿದೆ.

ಭಯೋತ್ಪಾದನೆಯನ್ನು ಹತ್ತಿಕ್ಕುವ ನಿಟ್ಟಿನಲ್ಲಿ ಸೌದಿ ಅರೇಬಿಯಾ ಮತ್ತೊಂದು ಖಡಕ್​ ನಿರ್ಧಾರ ತೆಗೆದುಕೊಂಡಿದ್ದು, ಅತ್ತ, ಅಮೇರಿಕಾ ಸರ್ಕಾರ ಲಾಡೆನ್ ಪುತ್ರ ಹಮ್ಜಾ ಬಿನ್​ ಲಾಡೆನ್​ ತಲೆಗೆ 1 ಮಿಲಿಯನ್ ಡಾಲರ್ ಬಹುಮಾನ ಘೋಷಣೆ ಮಾಡಿದ ಬೆನ್ನಲ್ಲೇ ಇತ್ತ ಸೌದಿ ಸರ್ಕಾರ ಕೂಡ ಹಮ್ಜಾ ಬಿನ್​ ಲಾಡೆನ್ ಸೌದಿ ಪೌರತ್ವವನ್ನು ರದ್ದುಗೊಳಿಸಿದೆ.

ಈ ಹಿಂದೆ, ಭರ್ಜರಿ ಸರ್ಜಿಕಲ್​ ಸ್ಟ್ರೈಕ್​ ಮೂಲಕ ಅಮೆರಿತ ಕಾರ್ಯಾಚರಣೆ ನಡೆಸಿ, ಅಲ್​ ಖೈದಾ ಉಗ್ರ ಒಸಾಮಾ ಬಿನ್​​ ಲಾಡೆನ್ ​ನನ್ನು ಕೊಂದು ಹಾಕಿತ್ತು. ಇದೀಗ ಅವನ ಪುತ್ರ ಹಮ್ಜಾಬಿನ್​ ಲಾಡೆನ್​​​ ಮೇಲೂ ಅಮೆರಿಕ ಮುಗಿಬಿದ್ದಿದೆ. ಶತಾಯಗತಾಯ ಲಾಡೆನ್​ ಸಂತತಿಯನ್ನು ನಿರ್ನಾಮಗೊಳಿಸುವತ್ತ ಮನಸ್ಸು ಮಾಡಿರುವ ಅಮೆರಿಕಾ, ಹಮ್ಜಾಬಿನ್ ಲಾಡೆನ್ ​​ನನ್ನು ಜೀವಂತವಾಗಿ ಹಿಡಿದುಕೊಟ್ಟವರಿಗೆ 10 ಲಕ್ಷ ಡಾಲರ್​​​ ಬಹುಮಾನ ನೀಡುವುದಾಗಿ ಘೋಷಿಸಿದೆ. 

ಹಮ್ಜಾ ಎಲ್ಲಿದ್ದಾನೆ ಎಂಬ ಬಗ್ಗೆ ಕೆಲ ವರ್ಷಗಳಿಂದ ಸಾಕಷ್ಟು ಚರ್ಚೆಗಳು ನಡೆಯುತ್ತಲೇ ಇವೆ. ಆತ ಪಾಕಿಸ್ತಾನದಲ್ಲಿದ್ದಾನೆ ಎಂದು ಕೆಲ ವರದಿಗಳು ಹೇಳಿದರೆ, ಇನ್ನೂ ಕೆಲ ವರದಿಗಳು ಅಫ್ಘಾನಿಸ್ತಾನ, ಸಿರಿಯಾದಲ್ಲಿದ್ದಾನೆ ಎನ್ನುತ್ತವೆ. ಆತ, ಇರಾನ್​ ನಲ್ಲಿ ಗೃಹಬಂಧನದಲ್ಲಿದ್ದಾನೆ ಎನ್ನುವ ಮಾತುಗಳೂ ಇವೆ. ಹಾಗಾಗಿ, ಹಮ್ಜಾ ಇರುವಿಕೆ ಬಗ್ಗೆ ಸುಳಿವು ನೀಡುವಂತೆ ಅಮೆರಿಕ ಕೋರಿದೆ. 'ಹಮ್ಜಾ ಬಿನ್​ ಲಾಡೆನ್​ನ ಮಗ. ಆತ ಈಗ ಅಲ್​ ಖೈದಾದ ನಾಯಕನಾಗಿ ಬೆಳೆಯುತ್ತಿದ್ದಾನೆ. ಆತ ಯಾವುದೇ ರಾಷ್ಟ್ರದಲ್ಲಿರಲಿ. ಆತನ ಬಗ್ಗೆ ಮಾಹಿತಿ ನೀಡಿದೆ ನಾವು ಬಹುಮಾನ ನೀಡುತ್ತೇವೆ,' ಎಂದು ಅಮೆರಿಕ ವಿದೇಶಾಂಗ ಸಚಿವಾಲಯ ತನ್ನ ಪ್ರಕಟಣೆಯಲ್ಲಿ ತಿಳಿಸಿತ್ತು.

ಈ ಹಿನ್ನೆಲೆಯಲ್ಲಿ, ಇದೀಗ ಸೌದಿ ಅರೇಬಿಯಾ ತಕ್ಷಣದಿಂದ ಜಾರಿಗೆ ಬರುವಂತೆ ಹಮ್ಜಾ ಬಿನ್​ ಲಾಡೆನ್ ನ ಪೌರತ್ವವನ್ನು ರದ್ದುಗೊಳಿಸಿದೆ. ಹಮ್ಜಾ ಬಿನ್​ ಲಾಡೆನ್​ ಪ್ರಸ್ತುತ ಸೌದಿ ಅರೇಬಿಯಾದಲ್ಲಿ ಅಡಗಿದ್ದಾನೆ ಎನ್ನಲಾಗಿದೆ.